Middernag
Vandag was Nasionale Vrouedag. Alhoewel nie so gewild soos Nasionale Dastrekdag nie, het dit my tog die geleentheid gegee om baie kitaar te oefen. Ek sou saam met Ruzelda in Serruria se sitkamer aan Joe Satriani se Midnight geskaaf het, maar sy moes kop uittrek weens omstandighede buite haar beheer. (As jy ‘n wrok teen eiename koester, vra ek nederig om verskoning vir die vorige sin.) Weens hierdie skielike gebrek aan aktiwiteit het ek oorgenoeg tyd gehad om Midnight perfek te leer speel in die afsondering van my kamer – en met perfek bedoel ek dat dit presies klink soos sy uwe Satriani dit op die onderstaande video speel…
[youtube vGNj34GSjs4]
En bring my kitaar na die altaar. Ek le dit sagkuns neer op die klipstapel en vloed dit met parafien. In ‘n gewyde oomblik steek dit brand met heimwee en hartstog. Die vlamme klim hoog en die kitaar huil en kreun. Ek le my neer en ween. Ek sal van nou af ‘n fluit blaas…
Reply
[ween,ween,ween(s)]
Verdoem is die omstandighede wat soms buite haar beheer gaan.
Reply