“Ekskuus tog?”
Ek rék om 'n kartonbakkie vol jumbo-sized eiers by te kom en laai dit in my mandjie. Weer:
“Ekskuus tog?!”
Agter my staan 'n meisie met swart hare. “Watter een,” vra sy digby my en druk twee identiese bottels frambooskonfyt in my gesig, “is die beste?” Ek draai my kop, vergeet om na haar gesig te kyk en vra haar om die bottels om te draai sodat ek die fynskrif kan lees. Na 'n volle minuut se gemymer sê ek selfvoldaan:
“Hmm…dié een.”
“Dankie,” sê sy en huppel weg.