Laat (staan)
Verby die gidstannie met die blinde hond. Verby die huis waar koerante my altyd afgelewer het en ek bang was vir die oom met die vriendelike glimlag. Verby die laan vol bome, af in die pad, oor die stopstraat waarby ek nooit stop nie en wieldiep in die vroegmiddagverkeer. My selfoon luier, die kar lui. Iemand probeer die vingers met slaap uit my oë vee.
“Hallo?”
“Waar is jy?!?”
Gramskap en lyding.
“Amper daar, ek belowe. Sorrie.”
Twintig minute later sit en bespiegel ons hoekom die kelners bang is om ‘n oom (wat soos ‘n tannie aangetrek is) in die hoekie van die koffiewinkel te bedien. Dit moet die lipstiffie wees, besluit ons en peper my Ierse koffie met bruinsuiker. “Hestie het my van hom vertel” eksegeer Beate. “Sy’t hier gewerk. Hy woon in Tygervallei en probeer sy boek aan mense verkoop.” Die alkohol in my koffie lyk soos ‘n olievlek.
“Ek het jou gesê dit gaan sleg wees.”
Nog suiker.
“Ek is nie meer verlief op Pierre nie.”
Gramskap en lyding.
Sterkte.
Reply
Baie dankie, maar dis eintlik die arme Pierre-vent wat jy moet sterkte toewens. Hy’s iewers op ‘n olieboot en dink sy’s nog steeds smoorverlief op hom.
Moral of the story – knaag meer kaas.
Reply
Ahh – sy nie jy is oor Pierre… maak nou meer sin
Hierdie posting het ‘n vreemde geur van vars vrugte…
Reply
Moontlik lê die oplossing van hierdie pierrenarrie opgesluit in daardie einste geur, kobus (terloops, jy is ‘n genie).
Johan, met Beate uit die weg geruim, kan jy nou eerlik antwoord: is jy oor Pierre? Want, indien jy nie is nie, sal hy nie eensaam hoef terug te keer van sy rojale olieboot-eskapades nie. Jy kan ‘n verleidelike strikdas aantrek en hom inwag by sy tuiste – vir hom ‘n bakkie geurige vrugteslaai aanbied. Indien dit geurig genoeg is, sal hy hierna nie anders kan as om sy sy oliebedroefde lyf sierlik in jou arms te drapeer nie.
Dit werk elke keer.
Reply
Hang af – is Pierre ‘n skuilnaam vir Appel? Gister was immers 1 Desember.
Reply
O, ja! Dit het my ontglip. Hoe was die feesvieringe? Ek voel bitter bedroef dat julle my nie gevra het om vir julle viool te speel nie. Sies.
Reply
Beroerd. Die bruid het koue voete gekry.
Reply
Nou is ek skielik die een met koue voete. Jy is die een wat aan jou lesers verklaar:
“Ek is nie meer verlief op Pierre nie”. Hoe dink jy laat dit my voel?
Reply
En van wanneer af is jy die bruid in hierdie verhouding?
Reply
Kobus: ‘n vreemde geur van vars vrugte? Interessant. Sou dit dieselfde wees soos kom op die tong wat bietjie droog geraak het? Ek verbeel my dit het dieselfde smaak.
Reply
Is dit nie so half fisiologies onmoontlik nie? Ek meen, met die teenwoordigheid van speekselkliere en so aan…
Reply
Dan maar om die mondhoeke, Johan
Reply
Eish. Fluisterstem, het jy onlangs ‘n appel geëet? Jy is jouself dit verskuldig.
Reply
Breytenbach geniet ook glo van tyd tot tyd ‘n appel. dis vi hem baja lekr
Reply