Van BOOM na BOEM – ‘n onfeilbare plan vir die voortbestaan van Afrikaans
Tale, soos mense, sterf almal een of ander tyd uit. Dit was die lot van Chicomuceltec, !Xam, Akkadies en ‘n swetterjoel ander waarvan ek die name nie eers kan begin uitspreek of vertaal nie. Voorafgenoemde tongknopers het elk ‘n lepel in die leksikon gesteek omdat hulle deur primitiewe beskawings gepraat is en ruïnes nie oor stembande beskik nie. (Ek sou kon dink dat, as Maja’s rekenaars of die drukpers ontdek het, hulle taal dalk langer gepreserveer sou kon word. Dis ongelukkig te laat om te probeer.)
Ons 11 amptelike landstale is natuurlik nie ‘n uitsondering nie. Ek gee hulle ‘n maksimum van 500 jaar voor hulle óf gedeeltelik verdwyn óf begin kreoliseer (suiwer taal is in elk geval ‘n nasionalistiese mite) óf saam met die kontinent uitgewis word in ‘n grootskaalse kernoorlog.
Die beste teenvoeter vir die uitsterwing van ‘n taal is, ironies genoeg, oorlog en kolonialisme. Dis hoe Engels (dink Amerika en Australië), Frans (dink Kanada, Chad en Kameroen), Spaans en Portugees (dink Suid-Amerika) en Latyn (dink al die tale in hierdie sin) uitgebrei het.
“Hoe dan nou gemaak met onse Trots?” hoor ek die hoeders van Orania se lingua franca vra, onderwyl hulle petisies teen MXit na Jannie Pelser stuur. Die oplossing is voor die handliggend. Ek sou myself beduidend hard skop omdat ek dit nie uitgedink het nie, maar ek het (en daarom gaan ek myself nie skop nie):
Koop Kanada. Verklaar oorlog teen Amerika. Wen. Dwing hulle kinders om soos ons s’n te vloek en siedaar – nog ‘n paar honderd jaar vir Opperman en Krog.
Dis onfeilbaar.
Kanada is meestal engels, siende dat hulle ook brits is. net quebec is eintlik frans. maar ek is seker jy weet dit.
Reply
immers. maar amper ‘n kwart van hulle praat frans en daai frans kom van ‘n ander kontinent af.
wat dink jy van my plan?
Reply
Jou plan is briljant! Maar kan ons effens nader begin? Soos Zimbabwe. Ons behoort die plek te kan koop teen ‘n appel en ei…
En ek dink hulle kinders sal graag leer vloek soos ons s’n. Hulle het immers meer as genoeg rede.
Reply
Wil jy nie ‘n warmer land koop nie? Dit is te koud in Kanada om oorlog te maak. Hoe gaan jy mense van hulle kaggelvure wegrokkel om in die sneeu te paradeer?
Koop liewers Mexiko. Die Amerikaners is reeds bang vir hulle
Reply
Ek stem ook vir Mexiko. Dis ‘n lekker land en ek sal “volunteer” om hulle kinders te gaan leer vloek.
Reply
Soos ‘n ander vriendin my uitgewys het, Kanada is ‘n goeie belegging ter voorbereiding vir die “global warming”, uh, skuus, globale verwarming?, wat gaan plaas vind.
Uitwissing deur kern wapens? Dis so twintigste eeu. Deesdae is dit mos biologiese wapens?
Reply
Ek weet nie so mooi nie jong – dit mag dalk net ons ekonomiese beleid confuse en dan eindig ek op om NOG meer rente te betaal op my huis. Kom ons koop eerder Wordpress en neem so beheer!!
Reply
Kan nie glo jou geheue is so kort
heelwaarskynlik nie meer as 1579 dae
net meer as 225 weke of
51 maande
dan die Nuwe Jerusalem daar…
Adam, en Noag en Moses en kie
meer nog… many mansions not out of this world
(Joh 14:2) In my Father’s house are many mansions: if it were not so, I would have told you. I go to prepare a place for you.
wonder watter taal ons daar gaan praat…?
As Hendrik Verwoerd dit “gemaak” het, het ons vir al wat ons weet dalk alreeds ‘n “tuisland” of dalk ‘n republiek…
Reply
Ek stem vir die wordpress idee…of ons kan almal soos muffins aantrek e groen spuitgeweertjies koop en dan Amerika en al die lande instorm…sal jy nie bang wees as ‘n muffin op jou begin afstorm nie?
oe…ons kan tot room en ‘n kersie op ons muffin-koppe sit
Reply
I’m impressed…..
Reply
Inderdaad. Hoewel ek net dink dat ons dalk ons visier ‘n bietjie hoog stel met Kanada en VSA, sal ek bereid wees om my deel te doen, gee my net ‘n haelgeweer en ‘n venster en ek is daar.
Reply
Ek hoor gewoonlik meer Afrikaans in Namibie as in SA. Die antwoord le net oor die Oranjerivier.
Reply
In Taiwan is dit ‘n gereelde taak vir Engelse onderwysers om Sjinese kinders ook Engelse name te gee. Ek het al gehoor van verskriklike Afrikaanse vloekwoorde wat so ingespan is – sou dit tel as deel van die stryd?
Reply
dis laag en gemeen.
ek lawwit
Reply
Wow Johan! En hier mis ek alles in die verte. Ek dink daar is ‘n beter manier. Koop maar net Suid-Afrika. En begin deur die plaaslike media te kry om mense trots te maak om Suid-Afrikaners te wees en om Afrikaans te wees. Ek dink nie eintlik hulle probeer nie …
Reply
net een probleem ons ou weermaggie kon net nou die dag nie eers lesotho binneval nie
Reply
Die wat nie praat, koop of baklei nie gaan verseker in die vergetelheid verdwyn – wie wil nou in elk geval iets met ‘n stil, arm en vredeliewende mens te doen he – behalwe natuurlik om jou huis skoon te maak? Hartseer.
Reply
ek gaat saam!
Reply
Ek moet al my kids name gee, maar ongelukkig mag ek net Engelse name gee.
Reply