Blogito ergo sum
Welkom! As dit die eerste keer is wat jy hierdie blog raakloop en jy hou waarvan jy lees, oorweeg dit gerus om by my RSS-voer in te teken. Volg my gerus ook op Twitter. Dankie vir jou besoek!
Vir die rekord.
As jy blogs lees, is jy nie ‘n blogger nie. As jy kommentaar op Steve Hofmeyr se Spoegblog los, is jy nie ‘n blogger nie. Jy’s nie eers ‘n blogger as jy al daaraan gedink het om self ‘n blog te begin of aangetroude familie van jou buurt se plaaslike statshoer is nie.
Jy is slegs ‘n blogger as jy ‘n blog besit en van tyd tot tyd jou gedagtes met die wêreld deel. Of: jy’s slegs ‘n blogger as jy blog.
Ek meen dis tog eenvoudig. Teatergangers is nie akteurs nie, Springbok-aanhangers nie Springbokke nie, kerkgangers nie predikante nie. Hoekom dan, om hemelsnaam, is daar die vreemde meem in omloop wat na lesers as bloggers verwys? Sien byvoorbeeld Frank Botha se selfbeskrywing:
Frank Botha is een van ons land se mees dinamiese en uitgesproke joernaliste wat sy deurbraak in die Suid-Afrikaanse blogosfeer in Oktober 2006 gemaak het met Daaglikse Dosis, sy uiters suksesvolle windgat Afrikaanse blog wat deur 240 000 bloggers per maand gelees word!
Nou ja, ek twyfel nie daaraan dat Frank uitgesproke, dinamies of windgat is nie, maar ek maak sterk kapsie teen daai 240 000 Afrikaanse bloggers. Waar kruip hulle weg? Wys hulle asseblief vir my, want Technorati wil nie.
Meem, eh?
Reply
Ek is so bly iemand het dit gesê.
Reply
lol
Ek bespeur ‘n hooggespanne Mnr. Swarts. Sukkel jy dalk om data en case-studies vir jou navorsing te kry? Te min Afrikaanse blogs? Vir wat dit werd is, ek stem.
Reply
Dis snaaks…
Reply
Heit, is daar nog so baie van ons oor?
Reply
Ek het ‘n e-pos van Amatomu gekry, hulle gooi Saterdagaand ‘n party in Johannesburg. Ek sweer ou Vincent skrik sy gat af as al 239 999 opdaag. (Ek gaan die naweek weg.)
Reply
So as jy op Steve se Spoegblok skryf is jy nie ‘n blogger nie. Hmn. Wat is mens dan as jy op Steve se Spoegblok skryf?
Reply
Verveeld…?
Reply
Bertus…
‘n Leser? ‘n Commentator? ‘n Groupie???
Johan…
Whahaha… ek is ook mal oor Frank Botha se selfbeskrywing!! Maar ek kan jou nou al sê wat hy jou gaan sê. “Johan, ek skuld jou niks. Jou mening is irrelevant.” Of iets in daai lyn….
Reply
Da Mario, sy selfbeskrywing is nogals kostelik. Het daar gaan loer na aanleiding van hierdie post. Hy sê hy’s ‘n huishoudelike naam. Dit was interessant. Ek het iewers iets gemis.
Reply
Da Mario: BiB is nader aan reg.
Reply
Dalk, maar dit sal onnodiglik lelik wees om hulle “verveeld” te noem. Ek het maar probeer dink watter alternatiewe name ons daai spul ‘bloggers’ kan noem. As ek self daar comment verwys ek na myself as ‘n commentator. Ek het nog altyd maar swaar gesluk aan die blogger-effek. Anyways….
Anja, hehehe… daar is baie ander huishoudelike name ook vir ou Frank. Maar na ons laaste meningsverskilletjie daar op my blog, toe ons gedreig het om sy adverteerders te skakel oor hy vroue so sleg sê, het ek nie eers die moeite gedoen om te gaan kyk wat deesdae op sy blog aangaan nie.
Reply
Hugo:
‘n Meem (of “meme” in engels):
As defined by Richard Dawkins in The Selfish Gene (1976): “a unit of cultural transmission, or a unit of imitation.” “Examples of memes are tunes, ideas, catch-phrases, clothes fashions, ways of making pots or of building arches.
Reply
Nee wag nou DM, gepraat van verveeld, nie vervelig nie. Niks daarmee fout as ‘n persoon niks het om te doen nie. Hehehe, kan net lekker wees. Hehehe.
Nietemin, dit was steeds bedagsaam van jou.
Reply
Hallo Johan.
Dankie vir die gratis bemarking.
Mooi dag,
Frank Botha
Reply
My plesier.
Reply
Liewe genade maar Frank Botha is oor-senstief vir enige kommentaar oor sy blog. Is dit onsekerheid?
Reply
ek sien die debat oor hits/visitors/unique visitors/bloggers en tottie lengte duur voort
…en as jy verveeld is, vra jouself af…’is ek die asem van my volk’…enjoy dit!
Reply
[...] #2 – Wys jou muis (Liewe leser: as jy nie verstaan wat ek skryf nie, lees gerus hier, hier en [...]