NEE. NEE. NEE. DIE. REKENAARS. WERK. FINE.
Een van die noodwendige (somtyds noodlottige) gevolge van my tutorskap by Die Departement is dat my studente opdragte inhandig wat gemerk moet word. Departementele beleid stipuleer dat geen laat inhandigings aanvaar sal word nie, wat natuurlik van die mees onoorspronklike verskonings op die planeet na vore bring.
Soos byvoorbeeld: die rekenaars in HUMARGA kon nie print nie. Die printers in HUMARGA is offline. My flashdisk is stukkend. (Dan wys hulle vir jou die flashdisk asof jy machine code deur plastiek met jou brein kan lees). Ek dien op tagtigduisend komitees in my koshuis. My laptop het toevallig gebreek net voor die sperdatum. My poegie het aan die brand geslaan op die kritieke oomblik wat ek hierdie opdrag in jou vakkie moes kom gooi. My ouma is weer dood. Ek het dit in jou vakkie gegooi (regtig? ek het dit nie daar gekry nie) Nee, maar ek het dit regtig daar ingegooi. (Ek het dit nie gekry nie.) Ek het ek sweer.
Genugtig.
Sê net vir my reguit jy het vergeet om dit te doen, dan kan ons dalk praat. Moet tog net nie in my gesig vir my kom Frank Bot…err…lieg nie. Sies man.
Die hond het my stiffie geëet.
Reply
lol
Reply
funny
Reply
Ek voel jou pyn. Gaan soek alles deur vir ‘n student se assessment. Wat hy/sy moes save onder ‘n sekere naam. Kry dit nerens. Ontdek dit eventually in ‘n vreemde folder onder ‘n heel ander naam. Ek verstaan nie. Die aanwysings is eenvoudig. Het ons mense verleer om te lees?
Reply
Bitter min het verander sedert ek student was, behalwe dat ons stiffies gehad het in plaas van flashdisks en 286′e in plaas van dual cores. Die verskonings is andersins nog presies dieselfde
Reply
http://www.student-manual.com/socialskills/latepaper.htm
Reply
Ek het net ‘n sakrekenaar gehad. Nou voel ek vrek oud.
Reply
Ek was nie op Universiteit nie. Hermanus was te lekker! Johan dalk kan jy ‘n boek saamstel met al die verskonings.
Reply
rustig – as dit so aanhou, doen ek dit dalk net.
jaco – ek onthou 286e
roer – lol
dellie – net so! hulle kan soms die eenvoudigste opdragte nie lees nie. dit staan daar, wit op swart, en dan doen hulle dit nie.
Reply
Jammer vir die lang comment, maar die een moet jy hoor:
Terwyl ek studeer het, moes ons eenkeer ‘n verslag inhandig wat 50% van ons jaarpunt sou uitmaak. By ene Mnr van Zyl – ‘n lektor by wie ons nie klas geloop het nie en vir wie ons dus nie geken het nie.
Ek en ‘n vriendin eindig toe op by Mnr van Dyck. (Wel altwee vanne het ‘n y in…) Hy was nie ‘n voltydse lektor nie, maar ons het een of twee klasse by hom gehad. En ons seg ons is hier om die verslag in te handig. Hy sê watter verslag? En ons sê die verslag, verslag. Man! Eee..Meneer. Hy sê dis nie by hom wat ons dit moet inhandig nie. Ons sê, trust ons, dit is. En ons druk ons verslae in die ooblufte man se hande en maak dat ons wegkom.
Toe ons ons fout agterkom, het die inhandigingsdatum reeds gekom en gegaan. Ons sit druipstert af na Mnr van Dyck en bieg dat ons eintlik twee idiote is. Hy glimlag vriendelik en vaderlik en sê hy weet, maar ons moenie worry nie, hy het rondgevra en op die ou end die goed vir Mnr van Zyl gaan gee.
Reply