Anders?
Hoe sou dinge in Suid-Afrika lyk as ons nie ons harte nie, maar ons smarte vir Hillbrow gegee het? As Fokofpolisiekar eerder “moenie so fokken verdeeld lyk nie” geskree het en Gé Korsten se liefling van hom vergeet het? Wat as Annelie van Rooyen gebewe het, Steve Hofmeyer regtig agter elke vrou was en Die Campbells se bokkie ‘n rokkie vol bloed had? Wie sou luister as Koos Kombuis van Lisa se vampier gesing het? Kon Lucas Maree se tuinier dalk doen met ‘n miljoen? Sê nou daar was ‘n Gautrein op Lochner de Kock se stasies? Flashpoints op Nataniël se kop? Evangelies in Paul Riekert se bedkassie? Wat as Valiant Swart se Mystic Boer Sefer Raziel HaMalakh gelees en Jan de Wet gesing het dat God nie altyd vir Bloemfontein (laat staan die hele wêreld) in Sy hande hou nie?
Sê nou maar Ray Dylan kon die lorrie stop wat Karen de Klerk se lewe geneem het? Sê nou almal kon Nkosi sikelel’ iAfrika werklik as ‘n gebed bedoel en daar was regtig ‘n hemel bo-op Tafelberg?
Wat as dinge anders kon wees?
As dinge anders was, sou ons wel weer iets anders gehad het waarmee ons ontevrede was. Dis die menslike natuur, ongelukkig.
Anders is soms lekkerder, anders is soms interessanter, maar anders is nie altyd beter nie.
Reply
Of as Afrikaners net nie so plesierig was nie, die Boere nie so sit-sit gery het nie en as al die veld net nie so vrolik was nie en daar nie werklik ‘n donker man daar geloop het nie… MAAR DIT IS NIE. “Halala, ewig is ons Afrika.”
Hoe gaan dit met daai Xhosa lesse Johan?
Reply
beroerd (vir eers). daai kant?
Reply
As dinge anders was…sou jy nie jy gewees het nie…en ek nie ek nie
vra eerder…hoe sal dinge more wees?
Reply
Stadig…maar lyk of ek dalk net hierdie race kan wen.
Reply
Roer – dis goed om te hoor
aventer – dis juis die ding. hoewel ek dit nie geskryf het nie, was daar in my agterkop hierdie vreemde besef wat ek laas in ‘n eerstejaarsfilosofiehandboek (…wat ‘n woord…) raakgelees het. naamlik: ons hamer so op vrye keuse en hoe ons die base van ons eie toekoms is, maar sodra dinge gebeur het, is dit skielik so radikaal onomkeerbaar, dat dit lyk asof dit nooit anders sou kon gebeur nie. fatalisme freak my uit.
ek dink dis roger scruton wat die voorbeeld van ‘n football game gebruik. maak nie saak wat gebeur nie, jy gaan nie die telling vooraf kan voorspel nie. (jy kan dalk ‘n gelukkige raaiskoot neem, maar jy gaan nooit kan weet nie). en tog GAAN daai telling gebeur. no questions. hoe vreemd is dit nie?
Reply
dan sou om satiries te wees , die gewildste vorm van humor kon gewees het ?
Reply
dis nou iets wat ek sou geniet
Reply
dis my land, jou land, ons land
van sonskyn en bloed
te danke aan daai vokken Verwoed
as dinge anders was
sou dinge anders wees
ons maak ons stemme hees
met elke skreeu van verlang
ommi kroeks op te hang
byt vas
dis nog lank nie verby
as dinge anders was
sou dinge anders wees
Reply
[...] « Johan Swarts se bl0g Anders? « Johan Swarts se bl0g dis my land, jou land, ons land van sonskyn en bloed te danke aan daai vokken Verwoerd as dinge [...]
… what if
Reply
Wat as…?? As is verbrande hout!
Wat as ons net ons attitude verander? Dis wat my laat wonder…!
Reply
Ek’t ‘n lang komment gelos en toe trip die krag…stoepit Eskom…
In opsomming…you can’t star with your future if you dwell in the past (dis hoekom dit in ons land gaan soos dit gaan…)
“wat as…?” is nie ‘n opsie nie…dit gaan oor die manier wat ons die situasie hanteer
‘n Paar gedagtes…
1. Ek tik met twee hande vandag
fatalisme
) sal dit skryf wanneer ek weer wat om te sê
2. Ek’t ‘n nuwe woord geleer
3. Jy’t my geinspireer vir ‘n post (dankie
4. My ma wil weet wanneer jy nog ‘n paar musiek bylae gaan opsit…
Reply
Hmm, dalk moet ek weer ‘n bietjie my kitaar optel. Ek skeep hom maar sleg af, so met die tesis en die klasgee en alles.
Reply
Dis ‘n skande johan…sies…ek’t myne net gister mooi afgevee, dis nie die beste een nie maar my kitaar is my lewe, ek’t vir 6 maande gewag om weer te kan speel
ek kannie meer wag nie
Reply
Wat as…
1) Selfone met ingeboude asem-alkohol-toetsers gekom het, sodat jy nie perongeluk jou ex bel 4-uur in die oggend nie.
Die Departement van Binnelandse Sake actually doeltreffend was?
2) Ons strande amptelike sunscreen-massage tente gehad het?
3) Publieke toilet graffiti “artists” uitgevang kon word?
4) Daar wel ‘n god is?
5) Xenophobia nie bestaan het nie?
6) Werk altyd lekker was?
7) Pizza glad nie vet gemaak het nie?
9) Mans vroue kon verstaan?
10) Mans vroue kon weerstaan?
Reply
Hallo…
JOhan – ek’t my post geskryf as jy wil gaan lees..ek kan nog nie daai link thingy doen dat jy direk soontoe kan gaan nie, maar dit is daar
Christoff – Wat as vrouens mans kon weerstaan…think about it
Reply