Kom ons reJoyce in die Choo Choo trein
Welkom! As dit die eerste keer is wat jy hierdie blog raakloop en jy hou waarvan jy lees, oorweeg dit gerus om by my RSS-voer in te teken. Volg my gerus ook op Twitter. Dankie vir jou besoek!
Partykeer dink ek kapitalisme maak ons dom.
Verlede naweek was ‘n vriendin se 21ste verjaardag. Ek was effe laat met die geskenk, het nie lekker geweet wat om vir haar te koop nie en dit was boonop ‘n vakansiedag. Al wat oop was, was BP, Checkers en ‘n Christelike boekwinkel in die Eikestad Mall. Siende dat pasteie nou nie die mees gedenkwaardige geskenke is nie, het ek laasgenoemde betree.
n Verkoopsman, kompleet met ‘n “trainee”-wapentjie, het my vriendelik genader en gevra of hy kan help. Ek soek ‘n geskenk vir ‘n vriendin, sê ek vir hom – sy is een en twintig. Ah, sê-vra hy sommer dadelik, lees sy Joyce Meyer?
Err…
Effens onkundig oor populêre Christelike literatuur het ek gekies om eerder self deur die winkel te soek (veral nadat hy ook ‘n boek oor die rol van die vrou as feetjie – met baie wolke en blou lug op die voorblad – aan my bekendgestel het). Na ‘n hewige soeksessie (let mooi op daardie adjektief, dis belangrik) het ek besluit op C.S Lewis se “The Problem of Pain”. Terug in my koshuiskamer het ek ‘n kaartjie met die woorde: “Vir die kere wat die lewe moeilik raak en die goedkoop selfhelpboeke nie help nie” in die boek gevoeg en dit toegedraai.
Dit was ‘n hewige soeksessie, want daar was twee boeke van Lewis in die winkel. Twee. En dit was omtrent die naaste wat dit aan enigiets ingewikkeld gekom het. Ek was effens verstom om te sien wat op die hoofuitstalrakke gepryk het. Choo Thomas. Robin McGraw. Maagdelik wit bo toonbank naby die ingang. In Afrikaans.
Hoekom is hierdie boeke so gewild?
Is dit dan so moeilik om te sien dat Choo Thomas snert praat? Dat Robin McGraw skryf wat middeleeuse priesters jou al honderde jare gelede kon vertel het? Dat die boek met die rol van die vrou as onderdanige klein dogtertjie (I’m not kidding you) pleinweg oneties is? Klaarblyklik is dit, want die boeke is daar omdat hulle verkoop. Hoe meer mense dit koop, hoe meer voorraad word aangekoop. Hoe meer voorraad aangekoop word, hoe meer koop mense. Hoe meer mense koop, hoe meer word die persepsie geskep dat dit baanbrekende literatuur is. En hoe minder word Lewis gedruk.
Dalk moet ek hulle die voordeel van die twyfel gee. Miskien is die wegraping regtig in 2007.
Dankie tog dat iemand ‘n slag die guts het om te sê die keiser is kaal!
Reply
Ek dink hulle moet Choo-agtige boeke van dekades gelede druk. Dit sal mense bietjie iets wys maak. Bv Choo Thomas moet verkoop word oor tien jaar, wanneer almal al van Bush vergeet het. (Blykbaar is Bush God se president vir die eind tye of iets.)
Ek loop hierdie vakansie weer iemand raak wat dink die wêreld eindig in ons leeftyd. Ek noem toe ek kan hulle verwys na hierdie lysie: http://www.religioustolerance.org/end_wrld.htm – maar nee, sien, daai tyd was die “prophesies” nog nie vervul nie, maar dit is nóú… *sug*, so sê elke “the end is nigh” Chooey. Die dat ek dink dit so nuttig sal wees om die *oues* te publiseer.
Reply
O my word
Ek lees en hoor baie van hierdie 2012 (sien dit word soms 2011) – einde van tye skrywes deesdae, iemand het dit toevallig ook gister-aand genoem. Dit maak my dom….
Jammer ek ken nie hierdie boeke nie.
Reply
Ek probeer die tipe boekwinkels vermy – dis die kombinasie van die woorde “vrou” met “God/Jesus/vir Christus” tesame met die baie blou lug en wolke of prentjie van ‘n lelie wat my gewoonlik buitensporig boos maak.
Reply
Johan ek kan nie meer saam met jou stem nie. Ek het byna al CS Lewis se boeke gelees en hy is in ‘n ander liga. Veral “Problem of Pain” is baie goed, so ‘n goeie koop! Die feit dat die Choo Thomas’e van hierdie wereld so gewild is, is inderdaad hartseer. Maar dis maar dieselfde rede hoekom sommige middelmatige en swak musiek, tydskrifte ens. so gewild is. Die meerderheid mense is ongelukkig goedgelowig (die woordjie “gullible” is beter) en te lui om te dink.
Reply
Nou moet ek bieg, Ek het Choo Thomas se boek, ‘Die hemel is ‘n werklikheid’ op ‘n vriendin se aandrang gekoop. Ek het nog nie verder as die voorwoord gelees nie. En dit wil gedoen wees, want ek lees enigiets, tot die instruksies op deoderant blikkies! Snert van die boonste rakke. So as jy dalk weet van iemand wat belangstel in ‘n splinternuwe tweedehandse boek, laatr maar weet!
Reply
In die tyd wat ons leef sou al hierdie minderwaardige boeke verbode moet word. Daar word veelds te veel bome afgekap, om as ongelese boeke in mense se rakke stof op te gaar…
Enigste probleem is: wie sal bepaal of die boek die boom werd is.
Reply
I have a confession… Ek het nog nie ‘n enkele C.S. Lewis boek gelees nie. Maar die kommentaar hierbo laat my dink ek moet so vinnig moontlik ‘n paar in die hande kry…
Ek het al lankal opgehou om Christelike boekwinkels te besoek. Die absolute massas gepubliseerde snert wat op die rakke uitgestal word maak my hartseer dat ons geloof skynbaar dieselfde paadjie as Afrikaanse popmusiek volg.
Ek huiwer ook… nee.. skop vas daarteen… om vir my vriende sogenaamde geestelike boeke as geskenke te gee. Meestal omdat ek hul vriendskap waardeer en weer vir koffie genooi wil word…
Wat die boeke oor die rol van die vrou betref… Don’t even get me started. Die enigste boek van daardie kaliber wat ek al ooit gelees het sonder om op een of ander stadium die boek grasieus deur die lug laat trek het of in die asblik ingebliksem het nie was “Captivating” van Staci Eldridge (haar eggenoot het “Wild at Heart” geskryf, ‘n boek van soortgelyke formaat vir die manlike geslag)
Ek het TjoeTjoe Tomas se boek as ‘n verjaardag geskenk gekry. Ek het deur die eerste helfte geworstel maar kort daarna moed, belangstelling en my humeur sommer gelyketyd verloor en die boek is tans in die donker hoekie van my kamer waar Huisgenote en ander soortgelyke publikasies gaan wag om te sterf…
Reply
Christelike boeke is goeie besigheid. Dit maak 37% op van alle boeke wat wêreldwyd verkoop word. Die Choo-choo trein sal ontspoor as hulle die ou goed weer publiseer – of nee, iemand sal daaroor rasionaliseer en ‘n wonderlike bewoorde verduidelikings uitdink. Man, die Bybel sê mos iets oor vals profete
But for many peole “Heaven is so Real” – I tolerate that until such point they become intolerable 
Ek hou van CS Lewis – die Narnia kronieke is lekker lees
Aan die anderkant, die gewildheid van Chookie is moontlik verwant aan baie mense se soeke na antwoorde in Ken Wilbur se “World gone slightly mad” – en hoop. En Christelike hoop is waarop die hele fondasie van die geloof gesetel is, die hoop of geloof in ‘n beter lewe na dood. Ek hou van James Watt se satiriese opmerking: “We don’t have to protect the environment, the Second Coming is at hand” !
Reply
Eks nou deurmekaar, is Choo Thomas nie die dowe speurdervrou op TV wat enige-een se lippe kan lees al kyk hulle nie vir haar nie en met die slim labrador nie?
Reply
*cough* Sue Thomas (F.B.Eye)*cough*
Reply
Ek het ook Choo Thomas se boek “Hemel is ‘n werklikheid” begin lees en op bl80 om presies te wees, het ek die boek neergesit en dit is nou al ‘n jaar later en het nog nie weer daaraan gedink om dit verder te lees nie.
Wie van ons kan voorspel wanneer die Here gaan kom? Ek glo dat niemand dit kan voorspel nie. As dit wel so was dat iemand te kan voorspel en dit is bv in 2011/12 gaan daar mos baie mense wees wat tot in 2010 lewe sonder om God te ken en as hulle sien dit is nou tyd vir God om te kom, gou-gou hulle sondes bely en begin bid en Bybel lees. Weetnie of ek reg redeneer nie, wat dink julle?
Reply
Ai, Ek is besig om my humeur te verloor met al hierdie “gelowiges” wat so skaamteloos al hierdie boeke oor My skryf en publiseer, sonder om My opinie te vra. Ek meen, al daai karakter-eienskappe wat hulle aan My koppel maak my regtig ongelukkig. Kan julle My nie asb ‘n guns doen en al daai boekwinkels boikot nie? Ek sien in elkgeval niks van daai geld nie.
Groete,
God
Reply
Word ek hier gemoderate? Hoekom verskyn my comments nie?
Reply
Wat ek wou sê, is: As jy Choo Thomas kan oortuig om meerlettergrepige woorde te gebruik, sal sy en C.S. Lewis ewe slim klink. Ga! Ek lees eerder die Jahoe-projek by http://jahoe.wordpress.com
Reply
Stem 100% met jou saam. Boeke van Oswald Chambers en Henry Nouwen moenie onderskat word nie.
Reply
Party Christelike boeke is awesome. Soos six hours one Friday, daar’s vis in die punch en ook my favourite…”die beste ding since popcorn”. Weet nie wie alles geskryf het nie maar dis werklike mooi boeke.
As mense snert wil glo..laat hulle. Die waarheid gaan net soveel seerder maak. Iemand het iets gesê van die Keiser. Dis so ironies…ons behandel op die oomblik die drama…Die Keiser deur Bartho Smith…
Wat het die apie gesê toe hy om die tak geswaai het..?
P.S.
In gewone korrekte afrikaans is ‘n adjektief ‘n byvoeglike naamwoord. Die woorde word gebruik om selfstandige naamwoorde te beskryf, bv die ROOI kar…
Sien…ek het geleer
Reply
WAT!!!??? Is die wegraping in 2007??
Shit, ek moet kerk toe vanaand!!!
Reply
aaaarrrrgggghhhhh!
meeste christelike boekwinkels maak my WOEDEND. en al hierdie twak wat nou vertaal word en aan ons arme afrikaanse christene opgedis word. kots. dit terwyl daar regtig uitstekende boeke beskikbaar is, wat jy nie eers hoef te vertaal nie. (daar is ook ‘n paar briljante engelse boeke beskikbaar – maar nie sommer by bv cum nie, o nee. ek het net hierdie week die boek “the bible makes sense” – van die ewig briljante walter brueggemann – gekry.)
ek het voorheen sekere boeke ongesiens tussen die rakke ingeglip (of in gewone boekwinkels tussen die erotika gaan wegsteek). deesdae is dit nie meer ‘n werkbare plan nie, aangesien daar meer boeke tussen die rakke sal lê as op die rakke. en dan sal ek sekerlik uitgevang word.
en soos jy tereg sê, dis nie net die dame thomas nie. dis ook mense soos joyce meyer, bruce wilkinson, tim en beverley la hey, en so kan ons ad infinitum voortgaan.
Reply