Rassisme. Want Jesus kyk nie.
George Claassen het onlangs die volgende kwytgeraak in ‘n onderhoud met Kletskerk.
Ek is met die dood gedreig omdat ek dit durf waag het om die 60 000 Magtige Manne-mars te kritiseer. Omdat ek krities Angus Buchan bevraagteken dat al die sogenaamde wonderwerke met hom gebeur het. Waar is die bewyse? Ons moet hom net glo en as ons dit bevraagteken, word ons verdoem. Fundamentalisme het Deon Maas se mond gesnoer. Dit is in ons midde en dit is skrikaanjaend en onverdraagsaam.
Waar is Christus se liefde in al hierdie gevalle? Hoe meer ek met Christene te doen kry, hoe minder twyfel ek dat Christus net ‘n mitiese god is. Want ek kan nie sy filosofie van die Bergpredikasie in Christene se lewens opmerk nie. Dis totaal afwesig.
Claassen, in sy eiesoortige styl, het ‘n punt beet. (Dis omhang met onnodige retoriek, maar dis daar.) In fundamentalisme skuil ‘n groot gevaar. Die gevaar is nie altyd ooglopend nie – soms is dit nie eers sigbaar nie. Tog is dit daar, reg om te ontplof indien dit onder te veel druk geplaas word. Dit is die gevaar van onverdraagsaamheid.
Ja, dink jy dalk terwyl jy dit lees – ek glo die Bybel woord vir woord en ék blaas nie geboue op nie, so Claassen praat snert. Jy mis dan moontlik die punt. Die blote feit dat jy dalk probeer aanvoer dat ‘n standpunt snert is – nie omdat jy rasioneel en krities by daardie konklusie uitgekom het nie, maar omdat dit bloot nie strook met jou eie oortuigings nie – bewys hoe irrasioneel fundamentalisme kan raak.
Want sê nou maar jy was verkeerd?
Fundamentalisme maak omtrent soveel sin soos sigarette – dis ‘n kanker in die samelewing, maar mense koester dit, omdat dit hulle goeie reg is om so te doen. Een van hierdie kankers in ons samelewing is ongetwyfeld rassisme – en dis niks minder as fundamentalisme nie. Dis die oortuiging dat iemand minder menslik as jy is, omdat hulle anders lyk en optree en jy dit nie verstaan nie. Dis die arrogante aanname dat jy beter is, beter weet en beter doen. En dis duidelik nog springlewendig onder sommige Afrikaanssprekendes. Raar maar waar. Dis byvoorbeeld hartseer om die volgende reaksies raak te lees:
DAAR IS NIE PLEK VIR DIE WOORD K@FFER NIE DIS EINTLIK F@KKEN K@FFER
Of:
‘n Platneus bly ‘n platneus en sal altyd ‘n platneus bly, maak nie saak of jy hom probeer opvoed, higiene leer,logika leer,mensliewendheid leer, ek kan nog baie aangaan,sy laaste koelteboom in die woestyn sal hy afkap om vir vannaand se vuur te sorg.
Of:
My booi steel liewer by jou houtkop boeties. as jy by hierdie baas se huis aankom vir jou “affirmative shopping” k@k jy en al jou trawante. “Foek off and die” jou sleg bliksem.
Wat sien jy? Ek sien ‘n fundamentalis. Ek sien ‘n bang witman wat agter sy rekenaarskerm wegkruip en hunker na die dae toe hy nog sy wêreld kon verstaan. Ek sien ‘n lafaard wat sal kla oor hoe Suid-Afrika skielik vir hom en sy “stam” sleg is, maar nie sy moue sal oprol om dit beter te probeer maak nie. Ek sien iemand wat Ander nie wil verstaan nie – wat kla oor hoe onopgevoed hulle is, maar self nie eers kan spel nie. Iemand wat na alle waarskynlikheid ook so iets sal kwytraak:
nou ja . as ons die SLEGTE van die VERLEDE moet onthou en dit heeldag teen ons kop gegooi word .. sal ons ook maar die GOEIE moet onthou . .. die feit dat jy nog ‘n kind met ‘n fiets kafee toe kon stuur, of die feit dat jy nie’ n heining om jou erf nodig gehad het nie, nog minder elektriese heinings en ‘n alarm en gewapende reaksie eenheid ..
Is jy dan blind, stomme Afrikaner? Is dit so moeilik om jou brein te dwing om verder as neo-rassistiese propoganda te dink? Om te besef dat jou lewe maar veilig gelyk het omdat jy en jou regering op die handearbeid van bannelinge geteer het? Is dit so moeilik om te besef dat die land nié veilig was nie – dat jou woonarea beswaarlik ‘n druppel in die emmer was? Sou jy daardie einste kind destyds tydens die onluste na ‘n townshipkafee gestuur het?
Die hartseer werklikheid, om by die punt van hierdie inskrywing te kom, is dat sommige van hierdie mense hulleself na alle waarskynlikheid Christene noem. Dan het Claassen gelyk – ek kan ook nie “[Jesus se] filosofie van die Bergpredikasie [in hulle] lewens opmerk nie. Dis totaal en al afwesig.” Weg. Nada. Nihilo. Geen barmhartigheid nie, geen medemenslikheid nie, geen begrip vir die Ander nie, geen sagmoediges nie. Net ‘n luidkeelse wars van arrogante onverdraagsaamheid.
So asof Jesus net kyk wanneer hulle wil hê Hy moet.
Kan ons, te midde van ‘n toenemend omgekrapte proletariaat en ‘n onstabiele regering, dit bekostig om sulke opmerkings ongesiens verby te laat gaan? Moet ons ons sterre dank dat daar taalgrense in Suid-Afrika is wat, ironies, tot dusver gesorg het dat die onverdraagsames nie heeltemal vir mekaar hoorbaar was nie? Moet ons hierdie soort intellektuele snert so verdraagsaam moontlik uitroei voor dit regtig te laat is?
Attie het op Claassen se onderhoud gereageer en aangevoer dis haatspraak. Claassen het op sy beurt op Attie gereageer.
Sjo…rassisme is ‘n teer teer sakie.
Dis die basis wat in ons land regeer deesdae. Wit teen swart, swart teen wit, swart teen swart….dis ‘n grote gruwel van ‘n gemors.
Meeste mense wat ek ken(veral boere) is rassiste. Hoekom? Bloot oor die feit van die baie plaasmoorde wat plaasgevind.
Ja dit is scary. Ja die meeste gevalle waarvan ons te hore kom was toevallig swart. Dit beteken egter nie dat alle swart mense hulle so wangedra nie. Wat van die Chinese? Ja hulle bly in hulle winkels en is meestal onhigienies, maar dis nie te sê almal is so nie. Wat van die Afrikaners? Dit blyk of meeste van hulle rassiste is, maar dis nie te sê dat alle Afrikaners is nie.
Dis die grootste fout van die mens…om veralgemenings te maak.
Reply
Johan, hier is sommer nog ‘n paar aanhalings vanaf George se blog, wat dui op die vlak van diskoers wat aldaar plaasvind:
“Attie jou lafaard, ek hoop jy loer weer hier in. Is jy bang vir vrae? Ban jy mense van jou blog af om jou god te beskerm? Jy kerm en weeklaag oor George se siening maar is te kak sleg om jou eie siening te verdedig. Un-ban my jou ongewerwelde tweegat jakkals. Un-ban Annette ook sommer en antwoord haar vrae. Wat is fout? Kommunikeer jou god nie meer met jou nie dat jy so kak bang vir vrae geword het? Bid vir openbaring of iets, enige iets is beter as dat mense kan sien hoe lafhartig jy is.”
EN
“Lees asb hierdie een, dis fokken snaaks,
Attie is regtig die klits (sic) kwyt.”
EN
” ‘Vir my is Jesus meer werklik as julle wat hier voor my sit.’”
Mal soos ‘n fokken haas. (verwysend na Attie)
Net soos die geval met die vieslike rassisme wat jy raakgeloop, is bogenoemde aard van debatvoering aanduidend van individue wat hulleself slegs kan laat geld indien hulle andere kan afkraak en beledig. In die geval van rassisme, is dit blankes wat hulle gemaksone slegs kan beskerm deur vernederend, onbeskof en uiters afkrakend te wees teenoor Afrikane. Dis jammer dat sommige ongelowiges (en – dank vader – darem net “sommiges”) dieselfde strategie gebruik om hulle weersin in Christenskap te laat blyk. Ek dink in beide hierdie gevalle is gee persoonlike “insecurities” en vrees aanleiding tot so ‘n persoonlike en rudimentere vlak van debatvoering. En dis bepaald betreurenswaardig…
Reply
Ek stem, hulle is ongetwyfeld ook fundamentaliste. En onverdraagsaam, at that. Ek dink die afgelope paar jaar se prominente debatte (of dan seker bekgevegte) rondom evolusie het die term “fundamentalis” in ‘n godsdienstige skakering gekleur. Soos jy tereg sê – nie net godsdienstiges is fundamentaliste nie. Dis inderdaad wat ek met hierdie inskrywing probeer oordra het deur die term ook van toepassing te maak op rassisme.
Reply
boer, ek sekondeer.
johan – kickass inskrywing. ek love die “..asof Jesus net kyk wanneer hulle wil hê Hy moet.” sinnetjie.. laat mens wonder oor jou eie persepsie van wat “aanvaarbaar” is.
Reply
Ek is nie ‘n voorstander van verdraagsaamheid teenoor die onverdraagsame nie, maar ek vra eis nie verdraagsaamheid van iemand om met ‘n persoon in gesprek te tree nie. Net so verwag ek nie dat ‘n gespreksgenoot outomaties respek vir my moet hê nie.
Ek dink Afrikaners skram effe weg van konfrontasie in gesprekvoering wat nie noodwendig goed is nie. Dalk is dit omdat ons met soveel maniere grootgemaak is dat ons nie weet hoe om dit te hanteer as mense jou ‘n fokken mal haas noem nie. Of na ander mense as fokken dit en fokken dat verwys nie.
Al wat ek kan sê, is “Bring it on!”
Ek het net 2 versoeke:
1. Moenie op ‘n stadium die pad vat as ons praat nie.
2. Probeer antwoorde formuleer wat ten minste twee sinne bevat en wissel “fok” so af en toe met ander skelwoorde af om die hoop lewend te hou dat jy darem iewers in jou lyf ‘n verdwaalde kreatiewe geen het.
Reply
Skitterend Johan!! Skitterend!! Ek probeer altyd maar ‘n neutral houding jeens die meeste dinge hou – word soms – nee, meestal – beskuldig ek’s ‘n draadsitter. Ek reken myself eerder as verdraagsaam – en dis die ware intensie van my eie blog. In dieselfde asem poog ek dan ook om so min as moontlik ‘n “kant” in enige debat te kies – want aan die einde van die dag is my opinie bloot net dit – my opinie. Maar hier sal ek effens my eie reëls verbreek en weer skryf: skitterend!
Dit is so jammer dat baie mense verdraagsaamheid as ‘n swakheid ervaar, waar dit veel eerder ‘n ware bravado is. Verdraagsaamheid – en hierdie is ‘n belanrgike punt wat ek maak wat so baie mense verkeerd interpreteer – beteken nie noodwendig aanvaarding van ‘n idée of verwerping daarvan nie – dit is nie links of regs nie.
Nee, wat verdraagsaamheid onderstreep is die erkenning dat daar meer as genoeg ruimte in hierdie wêreld is vir alternatiewes om saam te bestaan, en om ontstig te word deur wat mense aan jou sê of doen, is bloot omdat jy toelaat dat hierdie sinlose dinge onder jou vel inkruip. Ons verdra ander beter wanneer ons onsself verdra – om dit aan te leer behoort die doel te wees van ‘n beskaafde lewe.
Soos ek myself al gereeld uitgedruk het, ek kies om te leef binne die norme van verdraagsaamheid, menslike empatie en met wysheid wat kom saam met ervaring en ondervinding van die lewe – van alles en almal.
Kyk, ek natuurlik heeltemal moedswillig wees en jou titel verander na “Rassisme. Want Jesus bestaan nie” maar dit is dan net my eie eensydige opinie. Veel eerder sal ek aanvoer dat identiteit politiek beslis ‘n vorm van fundamentalisme is – want outomaties word iemand op ‘n elementêre en arbitrêre punte van een groep uitgesluit – omdat die indenititeit nie pas nie! Hoe lui die sê-ding: daar is een pad na die Hemel, en dis die nou en eng pad? Nou en eng klink vir my so onverdraagsaam … en onchristelik.
Onverdraagsaamheid is eintlik ‘n merkwaardige sielkundige fenomeen, simptomaties van onderliggende redes soos vrees, onsekerheid en xenofobie. Betrand Russel reken: “Collective fear stimulates herd instinct, and tends to produce ferocity towards those who are not regarded as members of the herd.” Is fundamentalisme nie dieselfde nie?
Baie nice post – wil nie my blog promofeer nie – maar wil darem sê hierdie is die onderwerp waaroor ek die meeste blog.
My tweede post destyds in bosparra het so raaklings hierna verwys – die onverdraagsaamheid in baie kommentators was duidelik. Sou jy belangstel: http://www.bosparra.com/vuurvlieg .
Miskien is my kort uitkyk op rassisme ook van waarde: http://emiljung.co.za/?p=40
Dankie vir die, Johan. En ek beaam George Maru hierbo: moenie wegbly en antwoord deeglik
Reply
Johan ek moet saam met jou stem. Dit is tyd dat ons nou begin groot word. Ons hoef nie saam te stem nie, maar om woorde te gebruik wat mense se waardigheid van hom af wegneem kan regtig nie konstruktief wees nie. Ons raak maar almal kwaad soms maar gee ons nog steeds nie die reg nie.
Soos ek in ‘n pos gesê het dink ek dat elkeen van ons wat ‘n blog het ook ‘n verantwoordelikheid het teenoor lesers en onsself. Soms moet ons iemand aanpraat as hy die grense oortree op ‘n blog. so houding gee die hele afrikaanse blog gemeenskap ‘n slegte naam.
Reply
Johan, en die ironie met daai geniale inskrywing van Platkuif is dat die ou in 2004 – let wel, 2004 daardie uitspraak gemaak het. Hy was intussen nog nooit weer in die openbaar nie. Ek sou nogals graag wou sien dat Platkuif die feite regstel. Mense moet hulle huiswerk reg doen voordat hulle emosies op hol jaag!
‘Steal from whites’
23/03/2004 08:30 – (SA)
http://www.news24.com/News24/South_Africa/News/0,,2-7-1442_1501852,00.html
(Dankie, lostong).
Reply
[...] jy doen iets na die beste van jou vermoe. Watter een is ek en jy? Na ek Johan se pos gelees het, (Sorry Johan niks negatief teenoor jou nie)besef ek dat ons ook nooit iewers gaan kom nie. Ons het nog niks verander sedert die Voortrekkers [...]
Emil het my woord gesteel: Skitterend!
Reply
Goeie post…ek wag in spanning op die Parra’s se reaksie
Emil,jy is korrek (soos gewoonlik)…ek het nou eers die datum op daai artikel gesien…
Reply
Johan: Ek stem met jou 100% saam moor rassisime en oor fundamentalisme. Ek sien ook in jou beskrywing hier fundamentalisme, maar dit het ook nou mode geword om enige iemand wat standpunt inneem oor die Christelike geloof ‘n fundamentalis te noem en daarmee is die gesprek afgehandel. Die kern van geloof is dat ons met iets te make het wat ons nie kan verklaar of met logiese redenasies kan verduidelik nie. Gesprek beteken dat ‘n mens ten minste na mekaar luister en êrens saamstem dat ons nie hoef saam te stem nie. Ek is bevrees dit gebeur nie altyd nie. Rassisime – as(of) Jesus nie kyk nie sou ek dit noem.
Reply
Mmmm, taai toffie die een. Dat rassisme en findamentalisme na verwand is het ek geen probleem mee nie, maar dat ons moet pasop vir veralgemening sover dit die Afikaner aangaan wil ek ook net uitlig. Bring ons weereens uit by Emil se verdraagsaamheid, en vir MY die hier en nou! Ons kan nie die verlede saam met die baba en die badwater weggooi nie, en die meeste blanke Suid-Afrikaners wat ek ken was meer as tegemoedkomend met die 1994 ommeswaai. Wat my egter bekommer is hoe die regering ons (die hele Suid-Afrika) ‘n pot strooi voer oor hulle huidige tekortkominge, en die blykbare absolute onbevoegdheid om met enige huidige probleme en leë beloftes te kan deel, en ja die blaam dan weer op apartheid plaas. My bekommernis is waar ‘n fondamentalistiese standpunt van apartheid, nou weliswaar deur die vorige lyers onder die standpunt, gebruik word om weliswaar alles weg te praat. Plant die saadjie genoeg kere, en jy gaan hier sit met ‘n nuwe fondamentalisme genaamd swart tenoor wit vengeance.
Reply
Goeie post, Johan. Iets wat al lankal aan my krap.
Reply
ai. ja. het jy al die kommentaar op youtube opgemerk? gaan doen ‘n search vir video’s oor suid-afrika en kyk wat mense daar skryf.
sug.
Reply
Iets in my wil hoop die meeste van hulle sit oorsee…
Reply
Ek sit ook oorsee! Al vir 12 jaar al.
Reply
Ja, maar jy’s nie ‘n rassis nie
Reply
The goal of instruction should be to allow students to deal sensibly with problems that often involve evidence, quantitative consideration, logical arguments, and uncertainty; without the ability to think critically and independently, citizens are easy prey to dogmatists, flimflam artists, and purveyors of simple solutions to complex problems. -American Association for the Advancement of Science, 1989
Reply
Met jou inskrywing het jy bepaald ‘n paar dinge saamgegooi. Ons praat hier van rasssisme (deur Afrikaners), Christen-fundamentaliste, anti-Christen fundamentalisme, verdraagsaamheid en sommer nog ‘n hele kaboel dinge wat uit die kommentare blyk.
1) Eerstens: “fundamentaliste”. Ek het soms baie meevoeling met Moslem gelowiges wat van die begin af reeds teen hierdie emosionee-belaaide term veg. In essensie verwys “fundamentaliste” na persone wat hulle geloof baie getrou navolg. Binne Islam beteken dit om die Vyf pilare almal te onderhou soos bv. 5 keer ‘n dag bid, aalmoese gee, Mekka besoek ens. Om die waarheid te se, van die mees vredeliewende Moslems is sg. “fundamentaliste”. Dis hoekom die Weste ook wegbeweeg het van die term en eerder nou verwys na “ekstremisme” of “militantheid” ens. Ek sou dus eerder graag wou verwys na Christen ekstremisme.
2) Tweedens sal ek wil sien dat ons bietjie die dinge ontknoop. Binne sekere individue kan Christen ekstremisme, rassisme en Afrikanerskap sekerlik saamvloei. Ek twyfel egter of dit die geval in meeste gevalle is. Jyself maak ‘n aanname hieroor in jou inskrywing. Ek dink nie dis altyd so eenvoudig nie. Wanneer mense uiters rassisties optree, kan mens sekerlik ook hulle Christenskap in twyfel trek? Dan sal ek eerder se dit is rassiste wat hulleself “Christene” noem. En sulke misvormde uitinge van sg. “Christene” gee Christeneskap bepaald ‘n slegte naam.
3) Aansluitend by bg. wil ek weer terugkom na punt nr. 1. Ek het volle begrip hoe frustrerend dit vir Moslems moet wees dat soveel mense Islam = terrorisme. Dit terwyl die oorgrote aantal Moslems vredeliewende en goeie mense is (ek praat uit persoonlike ervaring). Ongelukkig maak die ekstreme anti-Christen brigade dieselfde fout: Hulle sien die optrede van ekstremistiese Chrsiten en ekstrapoleer dan dat alle Christene dieselfde is. Daarmee negeer hulle (net soos anti-Moslems dit doen) die verskeie strominge en alternatiewe denke binne die bree Christen-spekstrum. Om so ongenuanseerd en emosioneel voort te storm binne debatte, is om ware, konstruktiewe debatvoering die doodsteek te gee.
4) Rassisme: Ons wil onsself altyd wysmaak dat rassisme erger binne Afrikaner-geledere vergestalt is binne enige ander volk of groepering. Ek weet dis nie noodwendig jou doel of andere (soos Emil) se doel nie, maar e dink dis soos baie mense dit kan interpreteer. Van die grootste rassiste wat ek ken, is Engels en/of Europees of (definitief) Koreaans en Japanees en Russies (veral Russies!). Ek dink dis oor ons eie verlede en die skuldgevoelens wat nie verdwyn nie. Ons krimp ineen as Afrikaners rassities optree (en ek definitief ook), maar as dit dalk ‘n Bullard is of iemand met ‘n ander taal, beskou ons dit as minder erg. Ek dink Afrikaners is ‘n baie sensitiewe spulletjie. Ek veroordeel moord, verkragting, molestering ens. ens. omdat die daad so sleg is. Die velkleur, taal, geslag ens. van die slagoffers maak nie aan my ‘n verskil nie. Die Spanjaarde wat so rassisties teenoor Lewis Hamilton opgetree het, is vir my net so erg. So ook Koreane wat rassities optree teenoor Bangladeshi’s ens. ens. Ek wil net he ons moet ons eie kognitiewe raamwerke begin bevraagteken wat vir ons se “net Afrikaners is kommin”, “net Afrikaners is rassities” en so ook ander ekslusiewe denkwyses soos “net Afrikaners kan SA red”, “net Afrikaners is Christene” ens. ens.
Laastens sal dit vir my progressie aantoon as ons euwel vir euwel kan begin aanspreek. Kom ons kyk na Christen ekstremisme in sy globaliteit (JS, jy het darem al verskeie kere ons bewusgemaak van Amerikaanse Christen ekstremisme).
Kom ons kyk dan na rasissme in ‘n groter konteks. Miskien moet ons ook praat van die Zoeloes wat nie skroom om na Tsongas as “dierdom” te verwys nie. Kom ons hou op om as Afrikaners op te tree asof ons ‘n monopolie op rassisme te verkondig.
En waar mense wat hulleself Christene noem (maak nie saak wat hulle taal is nie) rassisties optree, kom laat ons nie skroom om hulle daarop te wys nie en dit uit te lig nie (wat hierdie inskrywing van jou dan bepaald doen).
Dis ‘n geweldige mondvol, maar opsommenderwys wil ek seker se: Kom ons beweeg weg van groepsblamering af (“Christene” is so, “Afrikaners” is sus, “immigrante van Zim”, “Gays”, “Chinese”, “Xhosas” ens. ens.). Ek dink die tyd vir stereotipering is verby. Kom ons veroordeel individue vir hulle dade. Dis immers nie Islam wat die Twin Towers opgeblaas het nie, maar ‘n terroris met die naam UBL.
Reply
…en jammer vir die spelfoute
Reply
Boer: Ek is so bly jy besef ook dat Europeers is rassiste. Dit is regtig ‘n moeilike begrip, maar is die waarheid. Baie goed gestel.
Reply
Ek wil so effe verskil van Boer se punt 3. Natuurlik is dit so dat alle Moslems en Christene nie ekstremiste is nie. Maar ek herinner my aan gebeure in Saoedi-Arabië so rukkie terug. ‘n Vrou wat aangerand is, sou gestraf word. Daar was ‘n internasionale oproer daaroor. Een van die die vrae wat ek nog onthou, het spesifiek gegaan oor gematigde Moslems. As alle Moslems nie so is nie, soos wat dikwels genoem word, hoekom was die gematigde Moslems so stil oor wat gebeur het.
Ek meen.
Ek dink dat ‘n groot probleem ook te make het met die Bush-presidensie. Ek wil beweer dat die Bush-presidensie die Christelike geloof oneindige skade berokken het en dat die volledige impak eers later bepaal sal kan word. Hy het by uitstek daarin geslaag om mense te polariseer. En getrou aan ons aard, volg ons mos maar weer net die Amerikaners. Dus is die geloof vs. ongeloof debat op die oomblik baie meer gepolariseerd as wat dit sou gewees het as Amerika ‘n meer gematigde president sou gehad het.
Reply
Puik…
Reply
Verbeel ek my of is jou stuk weg by bosparra?
Reply
“Whenever a man does a thoroughly stupid thing, it is always from the noblest motives.”
Reply
Die Pienk Zuit weet nog steeds alles.
Reply
Johan
Hierdie is ‘n fantastiese illustrasie van die feit dat die kerk-era ten einde geloop het, Ware gelowiges wat hulself tans nog onder die gesag van enige kerkstruktuur bevind sal toenemend ongemak begin beleef en ervaar…!
Die laaste ouens wat hierdie waarheid sal aanvaar is die kerkleiers… soos dit maar ook die geval was in die dae van Jesus. Hulle sal moeilik afstand doen van die gesagsposisies wat God aan hulle gegee het.
Die oordeel van God het soos in die verlede weer begin by die “huis van God”… I Petrus 4:17
Reply
George, jy het ‘n baie geldige punt beet itv Bush.
Reply
Flippit Johan, ek kyk ‘n rukkie lank nie na jou blog nie, en toe ek weer loer, sien ek ‘n ass kicking! Ek laaiket kwaai.
Terloops, as jy ooit iets nuttig sien op Claassen se blog, wat jy dink ek moet lees, of dalk op wil comment, kan jy my laat weet. Ek’t maar die afgelope tyd, sedert jy-weet-wanneer, maar bietjie weg gebly daar. Dit help vir die rooi… rooi’s nie so lekker nie.
(Of nie. Verskoon maar, ek dink ek is maar stadig besig om die geraamtes in die kas te ondersoek, om daaroor te comment of te verwys, is dalk bietjie terapeuties.)
Reply
weens gebrek aan tyd ’skip’ ek die ander se menings hier. ook om myne nie daardeur te laat be-invloed nie.
maar ek lees weer ‘n poging om te veralgemeen deurdat die Bergpredikasie van die enigste Jesus met die van ander soos Angus en George en al die ander se aanhalings hier vergelyk word.
maar ek aanvaar dat die duiwel, deeglik dog subtiel, hier op aarde sal vat ,wat hy wil vat , mits ons die Reine Waarheid sal nastreef in die God (wat regtig ook die God van Boedrivier gewees het) se grootse en liefdevolle genade ….
daarom is ek bly dat D.Maas bietjie deur fundumentalistiese Christene, wat daaroor mag dweep , in die bek geruk word, per se – in die magstryd met die sg. bose geeste in die lug en die die nastreef van ontoereikende menslike kennis, wat per slot van rekening geen ewigheidswaarde kan he^ nie.
Reply
‘God (wat regtig ook die God van Boedrivier gewees het)’
Voorlaaiers teen assegaaie. Dink die Zulu’s het God se hulp dalk meer nodig gehad as die Voortrekkers.
Reply
Daardie God was toe en is tot vandag toe nog steeds en sal tot in ewigheid die Bewaker van ons almal se deel en lot wees . Lees almal as Almal . En die Gelofte van S.Cilliers as toepaslikik op almal wat in God mag glo in hierdie land en elders. Die ‘ons’ daarin het vandag juis kollektiewe betekenis: Boer,Brit,Zoeloe , ens…..
Hy het die oormag laat terugtrek, en daardeur Sy genade aan almal onteenseglik bewys en Hy sal weer, keer op keer en nog baie meer…
Reply
Die Kanaaniete s’n ook?
Reply
Ja, ook alle Kanaaniete in Sy raadsplan wat daardeur en deur Sy genade tot die geloof in Hom kon kom . En Jesus, wat nooit wegkyk nie, het hierdie versoening van God en mens ;en mens en mens, op aarde kom bevestig en voltrek . En Jesus kom vir seker weer ! En ons is bevoorreg om te lewe in die tyd voor daardie heerlike wederkoms…
maar hoekom vra jy ?
en is , om mense weer in ‘n “ras” gefundeerde kampie te plaas, nie steeds maar weer net growwe veralgemening nie ? ek is nie lief vir retoriek nie . verskoon my dus . asseblief , ek gaan nou kamer verlaat …..
Reply
[...] the previous system of oppression. And yet, expressions such as those portentously highlighted by Gormendizer in his post, and additional references often made, such as “kaffirboetie”, “houtkop”, “fokken [...]
[...] jy doen iets na die beste van jou vermoe. Watter een is ek en jy? Na ek Johan se pos gelees het, (Sorry Johan niks negatief teenoor jou nie) besef ek dat ons ook nooit iewers gaan kom nie. Ons het nog niks verander sedert die Voortrekkers [...]