Niemand kan jou keer nie
Wat is die essensie van ‘n blog? Dave Duarte meen dit is:
…the amateur enthusiast who writes about the subject she believes in and participates in a community of other amateur bloggers who have a similar interest in the subject.
Op die oog af lyk dit nogal asof dit waar kan wees – die internet bied aan elke Jan Rap en sy maat ‘n seepkissie om op te sanik. (Dit bied egter nie ‘n stadion vol toeskouers saam met die podiumpie nie. Daarvoor moet jy werk.) Ons skryf omdat ons ‘n druppel onsterflikheid wil drink voor ons die sleutelbord in die plafon steek.
Tog kan ek nie heeltemal met Duarte saamstem nie. Die vernaamste rede is bloot dit: hy het sy feite verkeerd.
Bes moontlik die bekendste politieke blog in Amerika – Instapundit – word geskryf en onderhou deur Glen Reynolds. Reynolds is ‘n Professor in die Reg by die Universiteit Tennessee. Hy is natuurlik nie al ekspert op die internet nie – reg oor die wêreld het kenners op verskeie gebiede dikwels blogs waarop hulle hul mening kan lug oor so te sê enigiets: insluitende hulle eie vakgebied. Op plaaslike bodem is daar die blogs van ‘n bekende joernalis, ‘n antropoloog, ‘n liedjieskrywer, ‘n ingenieur, ‘n grootkop in die advertensiewese, ‘n premier, ‘n burgermeester, ‘n Professor in die Reg en verskeie ander nie-so-amateuragtige individue. (Daar is nog vele ander. Gaan soek hulle.)
Dit is natuurlik so dat ‘n joernalis soms onkundig is op die gebied van rekenaarhardeware of dat ‘n burgermeester nie altyd besef dat lae kwaliteit video met swak klank nie baie aantreklik vir die gemiddelde internetgebruiker is nie. Hierby is almal van ons natuurlik ook ‘n amateur op die speelveld van die lewe – ‘n onderwerp waaroor nagenoeg almal van tyd tot tyd probeer skryf. Amateurs is daar beslis, maar dit beteken nog nie die essensie van blogs is amateuragtigheid nie. Ek begryp Duarte se sentiment, maar dink dit kan beter verwoord word sodra daar ondersoek ingestel word na die aard van ‘n blog op ‘n veel meer konkrete vlak.
Blogs is webtuistes. Webtuistes is publikasieplatforms. Publikasieplatforms is veelmaals ‘n neksus vir nuwe idees of die verfyning van oues. Hoewel daar amateurs op verskeie vlakke opduik (soos seker maar die geval met alles in die lewe is), is daar ook verskeie hoogs intelligente individue, wat soms – vry van die vanselfsprekende beperkinge van die tradisionele media – uiters nuttige woorde kan neerpen. Duarte is die beliggaming van hierdie einste verskynsel – hy blog self.
Die essensie van blogs lê myns insiens nie noodwendig in bloggers se amateuragtigheid nie, maar eerder in die demokratiese onafhanklikheid daarvan – die soms anargistiese see van idees waar enigiemand kan skryf wat hy of sy wil, sonder om ‘n vrees vir sensuur te koester of deur ekonomiese faktore gepootjie te word. Of jy nou ‘n stotterende sot of ‘n fotogeniese genie is – met ‘n blog kan jy skryf wat jy wil, waaroor jy wil, wanneer jy wil.
Niemand kan jou keer nie. Dít is die essensie.
___
Loading ...
“Most commonly an amateur is understood to be someone who does something without pay or formal training. Conversely, a professional is someone who has received training in a particular area and who also makes a living from it.” en.wikipedia.org/wiki/Amateur
Met bogenoemde definisie in gedagte, dink ek Duarte se stelling is heel verdedigbaar. “Amateur” is nie inherent ‘n slegte woord wat “swak”-wees impliseer nie. Dit dui op “someone who pursues a study or sport [or blogging] as a pastime”.
Toegegee, ‘n joernalis, antropoloog, ingenieur, ens. is “professionele” mense, maar hulle blog nie net oor joernalistiek, antropologie of ingenieurswese (waarvan hulle “kenners” is) nie.
Ook is daar heelwat bloggers wat geld maak uit hulle skrywery, maar ek dink dis by verre die minderheid.
Ek is ‘n amateur enthusiast wat my inkomste elders verdien en slegs blog vir die lekker – en wanneer ek tyd het.
Reply
Hmm…versigtig vir WikiPedia.
As ek duiwelsadvokaat mag speel: ek is formeel opgelei om te skryf en ontvang betaling daarvoor. Om te blog is vir my niks meer as om te skryf nie. Is ek nou ‘n amateur?
Reply
kortom – ek sou eerder aanvoer dat anargie en amateur in hierdie konteks hiponieme is, met anargie as superordinaat. ek stry nie met die gegewe van amateurs nie, maar wel met die plasing van hulle bo aan ‘n hiërargie.
Reply
ik ben het eens met mnr. muller
je bent wat mij betreft pas professioneel blogger als je bent opgeleid om te bloggen en er betaald voor krijgt
tot die tijd ben je een amateur
sorry johan
)
ik kan je misschien blij maken met de mededeling dat je in mijn ogen een zeer verdienstelijke amateurblogger bent?
Reply
hehe, dankie.
ek stem meer met julle saam as wat julle dink. amateuragtigheid is in vele gevalle die bepalende faktor, maar dit kan ongelukkig nie die enigste een wees nie. sou dit wel die geval wees, word verskeie blogs uitgesluit. dalk moes ek meer amerikaanse blogs ipv plaaslikes gelys het.
die gewildste amerikaanse blogs (en hulle is tog ‘n baie goeie maatstaf, al is dit net omdat hulle 1. so groot is 2. dit begin het) is geskryf deur professionele mense – hiermee bedoel ek mense wat eksperte in hulle veld is. die top tegnologie blogs word deur techies geskryf, die top politieke blogs deur regsgeleerdes soos reynolds (en in ons geval pierre vos – sy blog is volgens duarte se logika taamlik professioneel en dis ‘n damn goeie blog daarby) etc.
duarte se stelling is vir my baie soos neil kroesse se stelling. kroese meen alle afrikaanse blogger is rugstekers, omdat dit (so raai ek) toevallig sy enigste ervaring is. Duarte blog hoofsaaklik in die Suid-Afrikaanse blogosfeer (correct me if I’m wrong?) en sy persepsie is dus dat dit die goedige spel van amateurs is. reason being hy is dalk nie so blootgestel aan amerikaanse blogs nie. as hy was, sou hy onmoontlik sy stelling maak.
myns insiens, in elk geval
Reply
@ Johan, ek dink die lyn word getrek by blog jy voltyds, en dit is waarvoor jy betaling ontvang, of is dit iets wat jy in vrye tyd doen (amateur). Die amateur hier dink ek het meer te doen met die werksaspek, as die hoeveelheid kennis/of nie wat jy in ‘n spesifieke veld het. Stem saam met Mnr. Muller, dit beteken nie noodwendig swak nie, maar dat dit meer tydverdryf(hobby) is as betaalde werk. Ek sal wel warm onder die koller word as iemand dit dalk “amateurish” begin noem.
Reply
wat dan van ons vriende vos en reynolds?
(velerlei amerikaanse bloggers word betaal om te skryf.)
Reply
dan is dus het antwoord dat iedere blog zijn eigen essentie heeft? en dat er geen gemeenschappelijke noemer is?
ik ben het eens met de essentie die jij noemt: “met ‘n blog kan jy skryf wat jy wil, waaroor jy wil, wanneer jy wil”
het probleem met het onderscheid tussen amateurs en professionals is dat bijvoorbeeld een professioneel (dus opgeleid en betaald) politicus met een blog nog steeds een amateurblogger is, al ziet dat blog er nog zo mooi uit
in de totale blogosfeer is het aandeel professionele bloggers bijzonder klein, denk ik – maar hoe klein, dat weet ik natuurlijk niet
er is wel een schaal of hiërarchie, maar daarin speelt professionaliteit mijns inziens slechts een secundaire rol
het gaat er eerder om of een blog goed in elkaar zit, of er zinnige ideeën worden gecommuniceerd en of er voldoende ruimte voor discussie is
(en vergeet vooral de humor en de onzin niet)
Reply
dis ‘n probleem waarmee ek tans in my tesis ook sit. ek wou blogs as ‘n vorm van outobiografie benader, maar dit sukkel, want blogs is at best ‘n bastervorm.
Reply
kun je je dan niet beperken tot autobiografische blogs? en de ‘professionele’ blogs aan iemand anders overlaten?
)
Reply
:p
op hierdie soek ek eerder outobiografiese kenmerke. dis altyd daar – selfs jou idiolek vind velemale neerslag in jou skrif.
Reply
maar dat is dan weer niet per se typerend voor blogs
)
Reply
Ek dink ‘n blog gaan tog tot ‘n punt outobiografies(nou nie noodwendig ‘n lewensverhaal nie)wees. Dit gaan tog sieninge en standpunte uit jou oogpunt en ervaringsvelde hê. Wat maar tog ‘n footprint is van jou menswees, as ek en jy byvoorbeeld albei ‘n post oor iets stupid soos smarties gaan skryf, gaan dit uniek van albei wees behalwe heel moontlik die feite sover ‘n smartie se samestelling aangaan.
Reply
ja maar als je het zo bekijkt zijn alle vormen van schrijven (behalve misschien als het heel technisch wordt) autobiografisch
wat in mijn ogen ook wel zo is – maar dan geldt dat dus niet meer alleen voor blogs
Reply