Help – waar is die spoeg?
Ek het nou al op verskeie blogs gelees van ‘n rusie wat iewers plaasgevind het op die blogosfeer, waarvan die mees onlangse inligting daaroor by Wipneus beskikbaar is. Soos almal te kere gaan, klink dit omtrent asof iemand vir ‘n paar bloggers lewendige ammunisie gegee het met ‘n versoek: brand los op jou buurman. Want jy kan.
So nou het ek net een vraag:
Wat…um…lees ek waar mis? Waar het hierdie bakleiery plaasgevind?
Johan ek kan net vir jou sê wat by my gebeur het:
http://onderdiemaanensterre.wordpress.com/2008/08/13/wipneus-gaan-aan-die-vlieg/
Ons was gedreig en Emil was onnodig sleg gesê. Ons werk met sensitiewe data ens. en ek het my blog op privaat gestel en ons het die mense waarvoor ons werk doen, in kennis gestel sodat hulle kan kom kyk of ons e pos wel gehack word.
Daar was maar laas week orals bakleiery. Maar die week is dit gelukkig stil. Alhoewel ons maar skrikkerig is om nou te blog en /of kommentaar te lewet.
Reply
Om by Wipneus aan te sluit, dieselfde tipe persoonlike moddergooiery het net voor dit by Emil plaasgevind, ek dink die ene het of van Bosparra af ontwikkel of soontoe oorgewaai. Dit was egter ‘n ander oorsprong, nie soos by Wipneus oor die ID stelery nie.
Reply
dankie, wipneus! ek het gesien emil het ook iets geblog daaroor. lei ek reg af dat iemand onder julle name gecomment het op plekke (met julle gravatars) en dinge gesê het wat julle nooit sou sê nie? (of mis ek nog steeds die pot?)
Reply
http://news.bbc.co.uk/2/hi/uk_news/scotland/edinburgh_and_east/7568992.stm
Die begin van die einde van hoë kwaliteit leesstof.
Ek sien book-burnings in die nabye toekoms.
Reply
Ja Johan, hulle het my Id en Avatar gebruik om by bosparra met gatvol te gaan moeilikheid soek. Mens doen net nie sulke dinge nie! Hulle het ook al Dellie se ID en Avatar so misbruik! Ek sou dit ook nooit opgetel het as ek nie toevallig op my “dashboard” al die links van bosparra af opgetel het nie.
Nodeloos om te sê ek het my doodgeskrik.
Reply
Doen jy regtig jou M op Afrikaanse blogs, of is dit tong in die kies?
… maar soos ek se, die ander bloggers behoort eerder te vertel … hierdie voel nou net soos skinder! Ek het nie geweet dat die verwikkelinge by Wipneus-hulle iets anders was nie.
Daarom: ek is nuut hier en het nie mooi geweet wat gaan aan nie, maar onder die blogrusies was ook ‘n nuwe persoon (kan seker maar per naam noem – Sonia) wat met ‘n “bang” hier tussen die ander top blogs beland het, en daar was toe woorde tussen haar en sommige van die blogmense. Ek moet se, sy was bietjie gou op haar perdjie. Interessant hoe die sosiale orde omver gegooi word. Het gedink dit sal interessant wees vir jou tesis.
Vertel van jou M, of verwys my asb. na ‘n inskrywing wat jy daaroor het. …
Reply
Wipneus – Die boggers…
Peter Peiser – Lol…hulle baklei oor hulle boeke soos sommige Afrikaners oor hulle universiteite se voertaal.
Annerkant – Baie welkom
Ja, ek doen inderdaad my MA daaroor. Meer spesifiek oor die emansipasie-moontlikhede en / of eienskappe van anonimiteit op die blogosfeer. Mense wat op hulle perdjies klim, is vir my op hierdie oomblik botter en brood
Dit gaan tans maar stadig – ek is besig om hom weer te kickstart. Te veel studentedinge, te min navorsing…
Self? Wat maak jy met jouself?
Reply
Baie interessante onderwerp vir jou M. Moet dit tog maar vir ons publiseer, al is dit stukke, as jy eendag klaar is. Dit is veral die anonieme gedeelte wat lyk my mense aanspoor om soos hooligans op te tree. As jy my vra ‘n bietjie van ‘n persoonlikheidsafwyking, dalk ‘n bietjie opgehoopte stoom wat anoniem afblaas kan kry?
Reply
Dis ‘n baie interessante M. Johan….besete se ek jou, besete soos die ateiste
(dis met humor gese, net vir ingeval). Maar jy weet ek wonder soms oor agendas en stokery in die “gevegte”. You see what I mean?
Reply
ooh…is daar dan agendas?
(humor gesnap
)
Reply
Jy moet versigtig wees met die stadig gaan met die graad, dit kan tot ‘n paar jaar oortyd lei, maar dalk is dit die rede, afgelei van die studentedinge genietinge.
Het by my blog omslagtig probeer verduidelik wat ek doen, sonder om sommer reguit met die waarheid uit te kom.
Ek is nie baie goed met die anonieme ding nie. Wil net die hele tyd my regte naam uitpluk. Dit maak my selfs meer inkennig!
Sal ook baie graag die toepaslike dele van jou M wou kon lees na die tyd, as jy teen daardie tyd nie al siek is vir die bloggery nie.
Reply
Janee, ek’s maar al te bewus van te stadig gaan. Nie ‘n goeie ding nie, daai…
Ek gaan beslis dele daarvan hier plaas. Wel, dis tans die plan.
Reply
Johan, Sonia Cabano het ‘n kosblog hier by wordpress kom begin – kombuis.wordpress.com
Toe kap Skoor haar so bietjie en toe is dit ‘n heen en weer gekappery. Ek het ook my kommentaar gelewer, want ek glo daar is genoeg ruimte vir ons almal om hier te blog, orr wat ookal. Elk geval, toe doen oopkop ‘n inskrywing by haar – genaamd “Van kapoen tot waatlemoen” en daar het vokov my kom uitskel dat ons hele Bloubergstrand my nie sal kon afwas nie. So dis in kort die res van die blogvete – uitgesluit nou die ander saga by Wipneus en Emil.
Ek begin dink daar is iets in die water
Reply