Kom ek vertel julle. Die belangrikste ding is aartappels. Aartappels bied geen morele dilemmas as jy hulle wil eet nie. Niemand is bekommerd oor die prys van free range aartappels nie, niemand wil die aartappels red nie en niemand probeer proteïene in soja-aartappels pomp nie, want dis eenvoudig net onnodig. Aartappels is so flegmaties, so trankiel, so sereen. Daar is tot 'n aartappelfees op Petrusburg.
Salig is die appeltjies van die aarde, want hulle sal nie geskil word nie.
