Hoe om ‘n LCD-skerm te koop
Google soos ‘n dier. Verslind elke resensie, deurkruis elke forum; leer ken die relevante terme en maak seker die verkoopsman gaan jou nie oorrompel met nuttelose statistieke nie. Ken die verskil tussen dinamiese en statiese contrast ratios, begryp die term “dot pitch”, maak seker jy weet oor die algemeen hoe ‘n LCD-skerm werk en wat “native resolution” beteken, besluit of jy ‘n glossy of matte panel soek, of die skerm in portrait mode kan draai, of jou videokaart die native resolution daarvan support etcetera. Kry die kennis. Assimileer die kennis. Wees die kennis.
Vergeet dan alles wat jy gelees het.
Gaan na ‘n rekenaarwinkel met ‘n wye verskeidenheid skerms en speel met soveel as moontlik van hulle. Indien dit kan, swivel, tilt, pivot en heighten elkeen en besluit of jy van die meganisme hou. Besluit of jy van die knoppies se ligging op die skerm hou. As die skerms op Windows-rekenaars gedemo word (die kans hiervan is natuurlik baie groot), maak MSPaint oop, stel die image size dieselfde as die skerm se native resolution (as jy byvoorbeeld na ‘n 24 duim-skerm kyk, skep ‘n 1920×1200 image), kies ‘n helder kleur en vul die hele canvas daarmee. Bekyk die skerm van verskillende hoeke – is die viewing angle wat geadverteer word werklik so groot? Is die enkele kleur waarmee jy die canvas gevul het uniform oor die hele panel, of verskil dit plek-plek? Is die beeld skerp? Is dit dof? Word daar sagteware saam met die skerm verpak om laasgenoemde te verander?
In ‘n neutedop: neem alles wat jy op die internet lees met ‘n berg sout op. Baie resensies (al lyk dit hoe betroubaar) word deur skermvervaardigers gekoop; talle karakters wat monitors se lof in forums besing, is heimlik werknemers van die vervaardigers. Maak staat op die internet vir tegniese kennis, maar gebruik jou oë (en jou hande) om te besluit of iets die moeite werd is. Dis immers hulle wat na die ding gaan moet staar.
Ek het vandag uiteindelik ‘n Samsung 2493HM gekoop. Dit het skaflike beeldkwaliteit, baie goeie viewing angles (wat skaars is op TN-panels), donker swart en nagenoeg geen backlight bleed nie. Laasgenoemde was die deurslaggewende faktor in ‘n besluit tussen die 2493HM en ‘n onnodige duur HP W2408H, wat vieslike backlight bleed aan die regterkantste sy van die panel gehad het. My enigste frustrasie met die skerm is dat dit geadverteer word met ‘n ingeboude USB hub, maar dat sekere lande (Suid-Afrika inkluis) modelle daarsonder kry. Myne is nie ‘n uitsondering nie. Desnieteenstaande was dit ‘n goeie kopie – om nou video en audio editing te doen met my Core 2 Quad, is ‘n droom. Moet egter nie my woord daarvoor neem nie – gaan vort en ontdek self waarvan jy hou.
Ah, uiteindelik. Geluk met die skerm! Die ander voordeel van winkel toe gaan is natuurlik die feit dat jy hom kan test-drive, in teenstelling met wantitall natuurlik.
Reply
Baie geluk met die skerm. Ek het ‘n LG Flatron L1917S en ek is ook baie tevrede met hom.
Reply
Wil jy nou meer! Ek koop toe ook hierdie een! Is dit nou surreal?
Reply
Skuus, kyk hoe jok ek nou!
Samsung Syncmaster 22″ LCD Monitor (T220) – dis wat ek gekoop het. Nou nie meer surreal nie.
Reply
demoerin – hehe, ja – die mense in die winkel het later gedink ek’s mal; ek het later ‘n stoel gevra om in te sit en die heeltyd teen verskillende hoeke gaan staan. dit was ‘n lollercaust
riaan oosthuysen – dankie!
emil – hey, dis steeds samsung
Reply
Johan, natuurlik vesrtaan ek min-of-meer niks van jou tegno-spraak nie, maar wou net se jy kan NATUURLIK nie verkeerd gaan met ‘n Samsung-skerm nie!!
Ek het (uit die aard van die saak ook ‘n Samsung LCD, maar moet my asb. nie BEGIN vra watse skerm dit is nie. Dit werk vir my en het darem ‘n USB Hub (ha-ha-ha – darem weet ek wat dit is!). Hoekom modelle in SA dit nie het nie, gaan my verstand te bowe.
NS: Lyk my jy’s so noukeurig met skerm soek as wat ek is met vrou soek.
Reply
lyk my jou nuwe werk betaal te veel!
Reply
daar is al ‘n wyle hiervoor gespaar. ‘n mens kan egter nooit te veel betaal nie
Reply
ek is jammer dat hulle dan te min betaal!
Reply
nou wat sal jou nou daai idee gee?
Reply