Dis amper 23:00. Isreal het netnou pamflette op Gaza laat neerreën om inwoners te waarsku om hul huise voor 6:00GMT te ontruim. Hoe weet ek dit? Ek het Al Jazeera se Twitter feed gelees.
Neem 'n oomblik en verteer dit. Daar is oorlog op 'n ander kontinent en ek hoor nie daarvan via môre se koerant of oor 'n paar uur op die laataand nuuskanaal nie. Ek lees so te sê oombliklik daarvan, vinniger as wat 'n joernalis dit op die internet kan gooi. Iemand in 'n obskure uithoek van die aarde skryf hoe mense mekaar op hierdie oomblik uitmoor en die hele ongoddelike wêreld weet daarvan. Regstreeks. Dadelik. Nou.
Met 'n Twitter feed.
Wat is besig om van ons te word?
(Ja, dit ís die ware Jakob.)