The genius of Hofmeyr
Sê van hom wat jy wil, maar Steve Hofmeyr is ‘n geniale speler van die vermaaklikheidsmark. Enigiemand wat sulke reaksies op ‘n Facebook-groep (vir sy blog wat nie eers meer bestaan nie) kan veroorsaak:
Weet een ding, almal wat so kritiseer en lelike aanmerkings maak oor wat Steve gedoen het, een vraag aan jul almal: HOEVEEL GERAAMTES STEEK JULLE IN JULLE KAS WEG? Los vir Steve en haal eers die balk uit jul eie oe, dan praat ons weer!
Dit maak my so vies as mense net heeltyd kan skinder oor ander, maar vergeet van al hul sondes. Steve is net so ‘n mens soos ek en jy, ek dink die mense wat so diskrimineer teen hom is net jaloers omdat hulle strewe na sukses maar eintlik nog niks bereik het in hul lewens nie..GET OVER THAT!
[...]
Steve vir jou wil ek net se, bly net soos jy is, want jy is UNIEK!
(Yolinde Nieuwoudt)
…is ‘n uitstekende bemarker. Om kanniedood-aanhangers soos die bostaande te kweek, is makliker gesê as gedaan. Dis sulke aanhangers wat koop wat jy vrystel, irrelevant van wat dit is. Hofmeyr is ‘n handelsmerk met fut, sy aanhangers is lojaal till kingdom come, Hofmeyr se sakke bult al die pad bank toe – wat meer soek jy in hierdie bedryf?
Genius. Pure genius.
Ek sal erken ek hou nogals van Steve. Behalwe nou vir al die mannewales wat hy kwyt raak so af en toe, is hy oor die algemeen bietjie vars lug tussen al die Juanitas, Darrens en DannyKs van die land.
Pampoen bo Skarumba enige dag
Reply
Johan Swarts Reply:
January 9th, 2009 at 4:03 pm
en as jy moes kies tussen pampoen en hemel op die platteland?
Reply
Prieur du Plessis Reply:
January 10th, 2009 at 10:04 am
Enige dag Fokof. So groot Steve fan is ook nou ook nie.
Reply
Johan, jy moet vroeër gaan slaap!
Reply
Johan Swarts Reply:
January 9th, 2009 at 4:02 pm
maar hoekom?
Reply
Die betrokke kommentaar, wat eintlik baie sentimente jeens hom napraat, laat my wonder oor een ding. Indien mense bly se: “Bly soos jy is en moenie verantwoordelikheid neem vir jou optrede nie,” – want dit is wat die steun impliseer – keur hulle dus goed dat hy herhaaldelik (let wel herhaaldelik) troubreuk pleeg?
En indien ja, tel dit nou vir almal? Of net vir hom, omdat hy “suksesvol is” en “mooi sing”.
En indien ja, is dit nou uiteindelik anders vir vroue as vir mans? Want as ‘n man dit doen is dit “mannewales”, “stout” ect. Maar as ‘n vrou dit doen is sy ‘n los slet, ‘n hoer ect.
Reply
mynameisbotha Reply:
January 10th, 2009 at 10:22 pm
RosieLand, ek ken baie vrouens met ‘n gesonde seksuele uitkyk op die lewe. Hulle is beslis nie slette of hoere nie.
Maar jy, as jy net 10% so suur is soos daai Rosalind-Franklin-gravatar van jou, dan sal handjies-hou met ‘n ander man jou na ‘n slet laat lyk.
Reply
Ek wonder nogal wat die ooreenkoms is tussen dit wat maak dat Hofmeyr-aanhangers hom dinge sal vergewe wat hulle nie eers hul eie eggenote sal vergewe nie en Fokofpolisiekar-aanhangers wat Francois sal vergewe as hy iemand se ma vloek, maar nogal omgekrap sal raak as hul eie ouers hulle vloek.
Reply
Agter elke man is daar ‘n Steve…wonder waar kom dit vandaan.
Sy is eintlik reg, mens is so gou om ander se foute uit te wys. Ek’s nie aanhanger van Steve of sy mannewales nie, maar hy is tog mens. Hy’t net die ongeluk om beroemd te wees dat almal daarvan uitvind.
Maar bygese…mens kry altyd wat jy verdien.
PS
Ek is deur!!!!!!
Woohoo!!!
Reply
Om te se^ as jy Steve se musiek nogsteeds ondersteun / ‘n aanhanger bly, keur jy by implikasie sy dade goed, is die grootste klomp bollie wat ek nog gehoor. Please. Ek het baie cd’s van baie verskillende sangers om te gang weg smyt as dit die geval is.
Reply
hierdie steve ding begin my nou baie pla…oral waar jy gaan is dit net steve steve steve.
Dis soos Diana. Ja sy was ‘n awesome vrou gewees. En sy moet onthou word ek stem, maar te veel van ‘n goeie ding is ook sleg vir jou.
Dink ou Steve is nou ook moeg om sy foute in sy gesig opgedruk te he…ek is moeg om dit te sien…dis vir seker…
Reply
Pienk Zuit Reply:
January 13th, 2009 at 9:17 am
Steve is ons Diana. Bwahahahaha. Classic!
Reply
RosieLand: “keur hulle dus goed dat hy herhaaldelik (let wel herhaaldelik) troubreuk pleeg?”
Ek sou dink dat EGBREUK beter sou gepas het in bostaande sin…maar dan weer, karma en transmigrasie is nie vir sissies nie…
Reply
Roer: “Om te se^ as jy Steve se musiek nogsteeds ondersteun / ‘n aanhanger bly, keur jy by implikasie sy dade goed, is die grootste klomp bollie wat ek nog gehoor.”
Roer, ek stem saam, maar jy moet onthou, baie mense — evolusie-aanhangers ingesluit — soek ‘n god op hierdie ondermaanse aarde, en raak baie kwaad wanneer hulle agterkom hulle helde het voete van klei.
(Dan vergeet hulle sommer maklik hoekom hulle in die eerste plek van die celeb gehou het!)
Reply
Om mee te begin, soos wat Johan sê – Om jouself so te kan bemark verdien ‘n ponie …. al is dit dalk ‘n dooie een wat hy heel moontlik self aan die lewe sal kry!
Ek is een van die eerstes wat sal verkondig, “ook maar net ‘n mens”, en is baie gelukkig om met die uitkyk nog nooit die verskriklike idool-navolging-siekte ontwikkel het nie. Daardie ek het vir so en so ontmoet, of vir so en so daar gesien ens. So what?
Wat my dwars in die krop steek is die feit dat iemand nie soos ‘n man die pak slae kan vat nie, nie kan verantwoordelikheid neem vir dade nie en altyd met slim praatjies en storietjies dade probeer verdedig! En vir daai rede sal ek hom nie ondersteun nie!
Reply
Demoerin, daai is my sienswyse vir byna ‘n jaar nou al!
Ek sal nooit vergeet hoe ek getrou daagliks sy insetsels op SSSB gevolg het nie. Die dag wat die nuus gebreek het dat hy (weereens) met sy broek op sy knieggies betrap was met Janine het ek die backseat ingeneem en gewag om te kyk hoe hy ding hanteer.
As dit ek was sou ek jammer gese het en die ding so ver moontlik uit die media probeer hou het! Nie hy nie. O nee!!! Vertel in een asem hoe hy weier om “sy laaste loopgraaf teen die media op te gee (die blog)” en dit terwyl hy nou net gese het “hoe jammer ek is om elke dag die pyn en smart in vrou se oë te sien, en hoe hy eendag dit aan sy seuns moet verduidelik”. Ek het dit duidelik gestel…bly weg van die blog vir ‘n maand of wat en dinge sal kalmeer. En as jy nie kan wegbly nie, weerhou jouself van praatjies omtrent Janie, jou vrou en die vieslike detail…maar nee. Toe ek dit gese het het ek mos nou ‘n “bulls eye” op my rug geverf.
Dis asof die ou moedswillig die hele petalje vir persoonlike gewin gebruik het! Wie gaan stry? ‘n Stroke of genius dalk, maarf hoe “genius” is dit as jy jouself uit jou familie uit bemark?
Reply
Johan Swarts Reply:
January 12th, 2009 at 11:13 am
lol! die laaste loopgraaf teen die media?? blogs het mediahuise nodig om effektief te kan funksioneer.
Reply
Johan, ek het nie eintlik ‘n mening oor Steve of sy manewales nie. Wat ek wel vir hom kan se, is dat hy (indirek) ‘n grootse bydrae gelewer het om Afrikaners aan die blog te kry.
Reply
Rocco Reply:
January 13th, 2009 at 9:22 am
Ek wonder of ons die Afrikaanse bloggers wat Steve aan die blog gekry het, regtig aan die blog moet hê.
Reply
Johan Swarts Reply:
January 13th, 2009 at 3:29 pm
‘n mens sou daai vraag seker kon vra vir 90% van die blogs in die wêreld. kan ‘n mens so ‘n vraag beantwoord sonder om elitisties oor die storie te raak?
Reply
Rocco, jou vraag is baie geldig en oorspan soveel terreine. Is die nuwe fliek “Vaatjie sien sy gat” ‘n goeie ding vir Afrikaans of moet mens maar net bly wees dat daar enigsins nog flieks in Afrikaans gemaak word? Dis nogal ‘n dilemma. Dieselfde geld vir Afrikaanse musiek, waar daar baie sangers is wat in die eerste plek nooit naby ‘n mikrofoon moes gekom het nie. En nou, soos Johan tereg opmerk, klink ek elitisties.
Reply