Hoe meer navorsing ek vir my tesis doen, hoe meer dinge lees ek raak waaroor ek graag wil blog. Dit raak egter onprakties om oor alles te skryf sonder om in die strik te trap om lang lelle teks aan te haal – 'n doodskoot vir enige inskrywing. Alles wat ek daarom raaklees en fassinerend, absurd of sommer net interessant vind, gaan ek dus voortaan by Aangifte (sien skakel bo-aan hierdie bladsy) plaas, sonder 'n relaas oor hoekom dit my kielie. Vir die volgende paar weke behoort dit meestal aanhalings oor die geskiedenis en posisie van die pers te wees. As jy dit kan regkry om manies opgewonde oor hierdie klas inligting te raak (en ek meen, wie doen nie? Ek skuim sommer om die mond wanneer ek dit raaklees), kan jy Aangifte ook op Twitter volg.
Gogogo!