Die eerste waarheid oor die Afrikaner
…is dat hy lankal nie meer ‘n homogene groep is nie. Die oorlewing van Afrikaans en alles wat vir die Afrikaner spesiaal is, hang van hierdie besef af. Dit is nie kultuurfeeste of t-hemde met oranje blanje blou of enerse sekuriteitshekke wat ons sal red nie. Eers wanneer ons besef dat ons lankal nie meer dieselfde is nie – en dat dit goed is – sal ons en ons taal behoorlik verder kan groei soos CJ Langenhoven dit in die vorige eeu beskryf het:
As ons nou hier in die saal af ‘n ry pale sou plant, tien pale, om die laaste tien jaar voor te stel, en aan elke paal ‘n merk sou maak op ‘n hoogte van die vloer af ooreenkomende met die betreklike skryfgebruik van Afrikaans in die respektiewe jaartal, en ‘n streep deur die merke trek van die eerste af hier naby die vloer tot by die laaste daar anderkant teen die solder, dan sou die streep ‘n snelstygende boog beskryf, nie net vinnig opgaande nie, maar opgaande na ‘n vinnig vermeerderende rede. Laat ons nou in ons verbeelding die boog verleng vir die tien komende jare van nou af. Sien u menere waar die punt sal wees, daar buite in die bloue lug hoog oor Bloemfontein, in die jaar 1924.
Luister jou Kurt Darren, luister jou Fokofpolisiekar, luister jou Insek. Moet mekaar om hemelsnaam net nie dwing om dit ook te doen nie, anders gaan ons almal oor ‘n paar dekades saam onder ‘n maatemmer vrot. Niemand het nog ooit daarby baatgevind om in die verlede te leef nie; met ons s’n is dit veral sinloos om so te maak.
Leef en laat lewe.
(En wee bemarkers wat goedkoop fluff opdis asof die teendeel waar is.)
…natuurlik het sekuriteitshekke niks met Afrikanerskap te doen nie, maar ek dink jy weet dit…
boerinballingskap´s last blog ..‘n Juweel genaamd Oksan
Reply
Johan Swarts Reply:
July 25th, 2009 at 7:12 pm
hoeveel mense dink jy weet dit?
Reply
Stem, maar ek dink daar is nog baie Afrikaners wat diversiteit as ‘n konsep nie lekker kop nie. Dit maak hulle bang.
Gepraat van Kurt: ek het hom vanjaar by die Wacky ontdek. Dalk is dit net ‘n fase?
George Maru´s last blog ..Ek het my opinie oor die doodstraf verander
Reply
Kyk, ek is bly ek het nog ‘n keuse as dit kom by wat ek wil lees en waarna ek wil luister. Dis lekker, en ja, sommige is Afrikaans en ander Engels. So What!
Wat ek egter BAIE bly oor is, is dat ek nie die bemarking vir baie van die musiek en/of leesstof moet hanteer nie! In die meeste gevalle kom dit uit op lieg vir ‘n nasie – nevermind ‘n enkele persoon.
demoerin´s last blog ..Ai-toggie-toggie…
Reply
Ek sal graag na Fokkofpolisiekar wil luister, maar my rugsteun kopie is nog nie by my nie.
Afrikanerskap het inderdaad niks met sekuriteitshekke uit te waai nie. ‘n Hele paar van my nie-Afrikaner vrinne woon ook agter sulke hekke, sonder die geverfde kleur natuurlik. Maar ek beskou die verwysing na “enerse sekuriteitshekke” egter nie letterlik, maar simbolies van “laer trek,” soos enerse ossewa’s.
Emil´s last blog ..MotoGP British – Andrea Dovizioso
Reply
Terloops, Bib en Johan (en ander) lees gerus Dan Roodt se take: http://tinyurl.com/lx5j3l
Emil´s last blog ..Moral dilemmas – ends and means
Reply
demoerin Reply:
July 28th, 2009 at 8:38 am
Moet seg, baie interessante siening met moontlik meer waarheid in as wat mens sou wou glo.
Ons is van kleins af geleer, beloftes maak skuld. Stadig maar seker raak mense al hoe boser as daardie skuld nie betaal word nie, en daar gaan ‘n punt bereik word, waar ‘n nuwe belofte nie meer goed genoeg is om die ou skuld te delg nie.
demoerin´s last blog ..WEW….28/52
Reply
Interessant. Hy maak ‘n paar geldige punte, maar dis baie opmerklik hoe hy die stuk rig op Afrikaners. Ek sou reken ‘n mens wil vir almal ‘n oplossing vir die probleem van ‘n dreigende anargie kry.
Reply
[...] enige verdere tydmors dan – Skep die mood, of dit nou Kurt of die tromslae van jou hart is. Ons soek koerantopskrifte hierdie naweek, en jy kan selfs jou [...]
[...] et al. Hy was Christen, hy was Moslem. Hy het nie spontaan uit die lug geval as ‘n homogene groepering om ‘n heilige roete aan die suidpunt van Afrika in 1938 aan te pak nie. Eerder het hy [...]