Een van Die Burger se lamppaalopskrifte vir vandag lui:
Bok-held se dwelmskok
Wat my noop om te vra: wat de os is 'n bok-held?
Is dit die ou wat die meeste Capra aegagrus hircusse in seshonderd ses en sestig dae vir Baal kan offer?
Is dit iemand wat een duisend driehonderd sewe en dertig miljoen boerbokke in een dag kon afslag en genoeg vleis vir al die bergies in Suid-Afrika kon gee?
Is dit 'n vreemde tannie wat saans commedia dell’arte vir kranksinnige pluimvee in die dynsige maanlig opvoer?
En is hierdie opskrif direk uit die Huisgenoot gesteel?