Sjoe, die Sexpo was interessant. Ek dink dis iets waarna almal ten minste een keer in hul lewens moet gaan – net om te kyk wat daar aangaan, jy weet? Daar was tot 'n ou wat jou portret met sy vogel verf!

Persoon X in gesprek B:

Het jy gehoor? Nog 'n sekswinkel gaan oopmaak in die hoofstraat. Dit maak my ongemaklik, jy weet? Ek dink dis 'n euwel in God se oë. Ons durf nie toelaat dat hierdie smet versprei nie. Ek gaan nou stadsraad toe…

Moontlik verwante inskrywings:

1. Vuvuzelas vs Trance
2. Burka vs Bybel
3. Vegetarisme vs Rassisme

Dis met 'n vreemde gevoel van trots (en 'n daarmee gepaardgaande titseltjie ongeloof) wat ek die afgelope paar dae die bekendstelling van Nuus24 probeer verwerk het. My gedagtes hierrondom was rofweg die volgende:

“Dit lyk mooi…”
“Daar is nie abrubte tikfoute nie…”
“Ek word nie oorlaai met spam nie…”
“…Dis Afrikaans?!”

Beeld, Die Burger, Volksblad en Rapport se webtuistes het my die afgelope paar jaar gedwing om by verstek negatief te wees oor aanlynnuus in Afrikaans. Die Burger se webtuiste is 'n ramp, die res hardloop al vir heeltemal te lank op 'n argaïese sisteem wat, om dit sagkens te stel, 'n vet toffie vir metadata, folksonomie en crowdsourcing druk. Ek lees nuus by verstek in Engels (veral graag by News24 en M&G), omdat ek van meet af gekondisioneer is dat Afrikaanse nuus op die internet my tyd, bandwydte en geduld (toets dit vir jouself – laai een van hulle sonder en dan met 'n adblocker en hou 'n stophorlosie byderhand) gaan mors.

En nou is daar iets professioneel in Afrikaans – nogal in 'n tyd waar baie koerante besig is om spykers vir hulle eie doodskiste te koop (of ten minste nagmerries daaroor te kry). Iets wat reg laat geskied aan die goeie Afrikaanse joernaliste waaroor Suid-Afrika beskik se vernuf. En dit voel net nie reg nie.

Raar, maar waar – ek gaan myself moet dwing, moet herkondisioneer, om weer nuus in Afrikaans te lees. Ek wil met alle mag weer aan die speen van die Afrikaanse pers suig.

Don’t screw this one up, boys.

Moontlik verwante inskrywings:

1. Mag die Suid-Afrikaanse pers hul penne in toom hou oor Swellendam
2. Oor die sinloosheid van “die mooi Afrikaanse woord”
3. Sommige koerante se webtuistes suig want…

Ons weet dat slegs dit wat ons kan sien, hoor, proe, voel of ruik bestaan, want ons sien, hoor, proe, ruik of voel dit.

En daarom weet ons dat slegs dit wat ons sien werklik is, want ons sien dit.

En daarom weet ons dat slegs dit wat ons hoor werklik is, want ons hoor dit.

En daarom weet ons dat slegs dit wat ons proe werklik is, want ons proe dit.

En daarom weet ons dat slegs dit wat ons voel werklik is, want ons voel dit.

En daarom weet ons dat slegs dit wat ons ruik werklik is. Want dit stink.

En daarom, liewe broeders, weet ons dat slegs dit wat ons kan sien, hoor, proe, voel of ruik bestaan en geen ander nie en dat daar geen onsigbare, onhoorbare, smaaklose, taslose of reuklose dinge bestaan nie, want ons kan hulle nie sien, hoor, proe, voel of ruik nie.

Amen.

Moontlik verwante inskrywings:

1. Hoe voel jy?
2. Die A-woord
3. Kop is Moorhuhn juig ons mossels…en bedink wat mossels doen

How foolish can we be? Plenty, it appears, even after we said we learned our lesson after the dot.com meltdown eight years ago.

Sy probleem? Daar is miljarde dollars belê in Facebook, Myspace, Twitter en “billions more to come” – en niemand het nog uitgepluis hoe om wins daarmee te genereer nie.

Dis 'n leuen.

Facebook, MySpace, Twitter et al besit 'n ernorme, groeiende korpus diverse data met een enkele gemeenskaplike eienskap: dit vertel iets van die persone wat die data gegenereer het.

Benjou benader die situasie soos 'n tradisionele mediaprofeet sou – hy sien nie die aantal advertensiedollars gegenereer per “leser” meer raak nie, en neem daarom aan die hele gespuis kan nie winsgewend wees nie. Ou bril, verkeerde uitsig.

Hy vergeet dat sogenaamde “behavioural data”, wat tot op 'n druppel kan vertel wat mense doen, waarna hulle op soek is, wat hulle graag koop, wat hulle van 'n produk dink en dies meer, onsaglik waardevol is. MySpace weet wie luister wat, hoe lank hulle daarna luister, watter tyd van die dag hulle dit doen, hoe oud hulle is, waarna hulle geneig is om na dit te luister ensovoorts. Facebook weet wie jy is, waarvan jy hou, waarna jy luister, wat jy kyk, hoe oud jy is, waar jy bly, hoe gereeld jy tyd mors – die lys is eindeloos. Dieselfde geld vir enige sosiale netwerk.

Hoe meer gebruikers op 'n netwerk, hoe meer gewoontedata wat tradisionele media om die dood nie kan genereer nie.

Wanneer Benjou skryf:

The fact is, it’s a good bet these social networking sites will never figure out a workable business model because there may not be one.

Vergeet hy dat dit die advertensiebedryf in sy huidige vorm veel langer geneem het om uit te broei – en dat dit nie die enigste manier is om wins te genereer nie.

Daar is min dinge so tragi-komies soos die waan van 'n sinkende skip wat dink hy gaan vir ewig dryf.

Moontlik verwante inskrywings:

1. Die waan van ‘n e-posveldtog
2. Die skip is in die hawe, die dooies is begrawe en ons is nie meer slawe…
3. Baarmoeders dans ernstige kringe deur die bos

In alles wat ek tot dusver oor die aangeleentheid raakgelees het, is daar 'n baie ooglopende feit wat kop uitsteek. Dr. Neels Smit, voorsitter, het gevra dat die uitslag aanvaar word as “die uitkoms wat die Here vir ons gegee het” Ds. Sarel Cilliers van die gemeente Waterberg het vrede dat hulle daarmee gehoorsaam aan die Bybel is. Prof. Fika van Rensburg, een van die groot kampvegters vir die toelating van vroue tot alle ampte, het 'n penis. Die Sinode het vir bykans twee dae broederlik met mekaar gepraat en biddend geluister na die Woord van ons Here.

Sien julle dit ook?

Moontlik verwante inskrywings:

1. Soek en jy sal jouself vind
2. Burka vs Bybel
3. Soek en jy sal vind