Opgedra aan Johannnes.

Moontlik verwante inskrywings:

1. Driehoek & Sirkel – Episode 13 (Mediavryheid)
2. Driehoek & Sirkel – Episode Kersfees 2009 (Koop)
3. Driehoek & Sirkel – Episode 9 (Dies Oehoeroe)

Dis heeltemal verstaanbaar. Godsdiens is 'n uiters persoonlike saak. Jou godsdiens is jou persoonlike storie oor die sin van die lewe – jou ontologie, jou epistemologie, jou moraliteit. Vir baie mense is dit die kern van hulle weses. Gegewe dat elke mens boonop net een lewe het (sover ons kan agterkom, in elk geval) is dit verstaanbaar dat mense hulself omtrent in 'n koma in kan ontstel wanneer jy hul oortuigings bevraagteken.

Om week na week 'n bitsige rubriek te skryf wat iemand se godsdiens afkraak, is soos om iemand soggens met 'n hamer wakker te slaan. Dit gaan werk, maar die persoon se kop gaan waarskynlik nie lank hou nie. 'n Klomp opruiende artikels oor godsdiens sal dalk vinnig 'n klomp lesers lok, maar hierdie lesers se houding teenoor die skrywer sal waarskynlik nie baie lank positief bly nie.

Juis hierom probeer ek sover moontlik neutraal oor godsdienstige kwessies skryf. Dit het ek dan ook in my nuutste rubriek (wat die Nuus24-redaksie “Gaan gebed Japan help?” gedoop het) gedoen.

Ek het die onderwerp (die vermoë van gebede om rampe te stuit al dan nie) bekendgestel, 'n paar tersaaklike feite genoem, dit duidelik gemaak dat ek nie antwoorde op 'n paar ongemaklike vrae het nie en toe weer die feite herhaal.

And people went ballistic.

Ek hap na gelowiges, het hulle geskree.

Ek skiet aan Christene se fondasie, het hulle geskree.

Ek sê God bestaan nie!, het hulle geskree.

As ek nie van beter geweet het nie, het ek gedink iemand met die naam Johan Swarts het geskryf: “Daar is nie 'n God nie – en gebed is bullshit!”

Maar dit staan nêrens nie. Die teks is neutraal. Die teks maak nie waarde-oordele nie. Die teks beledig nie en die teks verskaf nie finale antwoorde nie. Al wat dit doen, is vrae stel. Ongemaklike vrae vir sommige mense, maar steeds: blote vrae. Vrae wat min mense die moeite gedoen het om te probeer beantwoord.

Ek moet dit seker al gewoond wees, maar dit verbaas my keer op keer hoe mense iets met 'n godsdienstige tema lees en dan op 'n kruistog gaan teen 'n hersenskim wat hulle self opgetower het.

Die vader weet, dis frustrerend.

Moontlik verwante inskrywings:

1. Waar kom al daai vlae vandaan?
2. Gebed
3. #@%$#^&

Moontlik verwante inskrywings:

1. Driehoek & Sirkel – Episode Kersfees 2009 (Koop)
2. Driehoek & Sirkel – Episode 1 (Ou Nuus)
3. Driehoek & Sirkel – Episode 13 (Mediavryheid)

Ds Pieter Fourie is Leraar van Rant en Dal Gemeenskaps kerk waar van ek 'n litmate is en hy is by vêre een van die beste dominies wat daar is. Enige iemand wat al ooit een van sy preeke bygewoon het [punkt] sal weet waar van ek praat. Hy is op reg en sal sy hand vir enige iemand uitsteek om te help. Hy is altyd besig om te kyk waar hy kan help, en om dit te doen op facebook is een van die beste manier om sy hand uit te steek. Ek dink dit is iets positief en voel die duiwel is lastig om iets so opreg te vat en dit om te draai in 'n negatiewe artiekel. Die wat kretiek lewer het nog nooit GOD se liefde ervaar nie. As die HERE kom om sy kinder te kom haal (wat wel gaan [gebeur?]) sal julle daar sit en wens dat Ds. Fourie vir julle sal bid.

Ek gaan nie jok nie – Oppies maak dit baie moeilik om nie met Oppies te spot nie…

Moontlik verwante inskrywings:

1. Gedagtes oor die relevansie van die @sablogawards
2. Hoort God by hongersnood?
3. Oop brief aan Kurt Darren

Ek moet bieg, ek sukkel om hom ernstig op te neem.

Dis nie dat ek dink bomaanvalle is iets wat die mensdom nié aanstoot gee nie. Inteendeel. Dis net dat die kruistogte, die inkwisisie, die pedofilie en die chauvinisme van die afgelope paar eeue die beswaar teen 'n enkele bomaanval effens ongeloofwaardig maak.

Dan weer, dis seker onregverdig om die huidige pous verantwoordelik te wil hou vir alles wat die idiote voor hom aangevang het.

Tog kan ek nie help om te wonder hoe die pous sou reageer indien dit Christene was wat Moslems opgeblaas het nie. Of Moslems wat Moslems opgeblaas het. Sou dieselfde woorde dan oor die gebenedyde Benediktus se lippe vloei?

Maar dan weer: as een van my eie mense vermoor word, sal ek self veel heftiger reageer as wanneer iemand elders in die wêreld omkom. Dis seker nie regverdig om te verwag dat een persoon ewe omgekrap moet raak oor elke liewe probleem op aarde nie.

Dalk is dit sy rok?

Moontlik verwante inskrywings:

1. 5 dinge wat jy (dalk) nie van my geweet het nie
2. aKing dalk net koning
3. iPhone 4G dalk besonder oorskat