Nou toe nou

Cliff se woorde aan Angela Larkan was:

…Girls of 22 usually do nothing but lie on their backs with their legs open…

Hierop het Tex Collins van die DA (opposisie-styl!) geprotesteer:

…He sends out the message that every young girl is nothing but a prostitute and a whore…

Correct me if I’m wrong, maar meisies wat seks het se bene is meestal oop en weens die aard van die Daad lê hulle dikwels op hul rûe. Eersgenoemde is 'n anatomiese gegewe; laasgenoemde is bloot statisties waarskynlik. (Dis nou, bygesê, as jy slegs twee mense in berekening bring.)

Nou, dit is natuurlik waar dat baie prostitute meisies is, maar dis nie heeltemal so waar dat alle meisies prostitute is nie. Die feit dat jy:

1. Jou bene oop het tydens seks en
2. Op jou rug lê tydens seks

beteken nie jy is 'n dame van die nag nie. Nee: dit beteken bloot jy het seks. Enigiets meer is idiosinkratiese interpretasie. As onse neef Collins dink dit impliseer prostitusie, is dit nie Cliff wat dit gesê het nie, maar wat Collins homself verbeel het. Dit plaas die las van diskriminasie by Collins wat sonder meer aanneem jong meisies wat seks het, is “slette” – nie by Cliff nie.

Kan iemand die vent tog net wakker klap?

Moontlik verwante inskrywings:

1. Herschelle Gibbs en die seks sonder die seks met die seks sonder die seks sonder die seks
2. Wat skort dan nou juis met seks?
3. God pwn seks, satanisme en appels

(Min is darem nie niks nie.)

Dan wil ek myself oor die vingers raps, want by Toutatis – om lid van die pajamabrigade te wees, is tog veronderstel om pret te wees. En aangesien selfs Kobus intussen al ‘n inskrywing gemaak het, kan ek gerus ophou om so uiters ledig wees.

So.

Na 'n paar sinne propvol onnodige bywoorde, hier is 'n skermskoot van waarmee ek myself in my vrye tyd besig hou:

THIS. IS. SPARTA.

Sien? Ek en my i7 werk heeltemal te hard…

Moontlik verwante inskrywings:

1. Die grusame laaste oomblikke van Count Speedo
2. So wil ek eendag wees
3. Bloed in die universiteitsbiblioteek op Stellenbosch

Venterland

Die RICA-sperdatum kruip nader. Diegene wat nog nie aan Suid-Afrikaanse selfoonnetwerke bewys het dat hulle bestaan nie (sodat dié dit weer die regering kan bewys) se selfoonnommers word môre om 00:00 gedeaktiveer. En soos dit nou maar met Suid-Afrikaners gaan, sal daar 'n groot klomp van ons wees wat eenvoudig nooit hiervan geweet het nie. (Al is hulle oor etlike maande via elke televisiestasie, radiostasie, tydskrif en koerant denkbaar ingelig.)

Vodacom alleen het gister bykans een miljoen gebruikers gerapporteer wat nog nie geRICA het nie. Die ander netwerke sal waarskynlik net sulke getalle hê, wat beteken dat 'n aansienlike aantal Suid-Afrikaners teen oormôre sonder fanfare afgesny gaan word van Farmville, hul ma’s en die maandelikse SMSe wat hulle vertel dat hulle salarisse inbetaal is. Grootskaalse paniek is ons voorland.

Dit laat natuurlik ruimte vir 'n bietjie pret, so hier’s 'n idee: begin 'n ketting-SMS en stuur die boodskap aan soveel wit mense wat jy ken dat Oehoeroe op 1 Julie 2011 in volle swang sal begin. Noem dat die regering alle kommunikasie tussen Suid-Afrikaners gaan afsny sodat die kommando’s nie met mekaar kan kommunikeer tydens hierdie allerverskriklikste oordeelstyd nie. Gooi sommer 'n paar verwysings na Dingaan en die maan wat soos bloed sal raak in die mix en eindig dit af met 'n emosionele pleidooi om die boodskap aan elke Afrikaanssprekende in menseheugenis te stuur (anders sal elke feetjie wat nog ooit bestaan het grusaam omkom).

Skaf dan 'n goeie verkyker aan, gaan sit op 'n duin in die Kalahari met 'n yskoue bier en kyk hoeveel Venters jy kan tel.

Hierdie baanbrekende idee met die komplimente van @kobuse.

Moontlik verwante inskrywings:

1. Die krag van die lang stert – hoekom jy sterker is as wat jy dink
2. Waar kom al daai vlae vandaan?
3. Vlieg in jou moer, Breyten

Moontlik verwante inskrywings:

1. Driehoek & Sirkel – Episode 7 (Olé)
2. Driehoek & Sirkel – Episode 3 (iRoodt)
3. Driehoek & Sirkel – Episode 11 (Maandag)

Met hierdie wete in my agterkop sit en loer ek toe die naweek na die Comrades Marathon en merk op dat Helen Zille heelwat oor die wedloop op Twitter te sê het. Heel kordaat laat weet ek haar toe:

Waarop sy vinnig reageer:

Nie van stryk af nie vra ek toe maar vir bewyse:

Waarop die antwoord terugkom:

En jou wragtig:

Hoe sê hulle? Bekstil!

Moontlik verwante inskrywings:

1. Zille versus Zille
2. Die keer toe ek ‘n demi-god wou wees
3. Niemand kan jou keer nie