Ek is dood.

Ek bedoel dit nou nie metafories of simbolies of whatnot nie. Ek is letterlik dood. Opgekerf. Aan flarde gesny deur 'n ruwe barbaar met 'n lang mes. Bloed koek om my slape, vlieë krioel in my neusgate. Kraaie pik my oë uit waar ek onderstebo aan 'n voorstedelike lamppaal hang en saggies in die wind wieg.

Ek stink al.

Lees die res hier.

Die rubriek het intussen ook op Boerevryheid gaan draai. Kommentaar daar is nie juis liefderyk nie.

Moontlik verwante inskrywings:

1. Maar hoekom, Amor?!
2. Al die arty ouens verkies mos maar Macs.
3. Ons almal rol maar in die geld

Moontlik verwante inskrywings:

1. Opsoek na sokkerkaartjies?
2. Slag die gemeste kalf!
3. Special Assignment & Zapiro: M&G wys wat die SABC nie kon nie

Vir 'n hele paar weke al is daar twee inskrywings oor Die Antwoord in my agterkop waarby ek net nie uitkom nie. Lui’geit is 'n verskriklike ding, so ek sal probeer om dit so vinnig moontlik klaar te skryf en te publiseer. Een hierdie week, een volgende week. Tot dan, loer gerus na wat die nimlike Dan Roodt oor hulle te sê het. (Hy gebruik 'n iPad en alles, so jy kan hom ten volle vertrou.)

Hat tip: Griffin.

Moontlik verwante inskrywings:

1. Ruminasies oor Die Antwoord: Proloog
2. Ruminasies oor Die Antwoord: Voorwoord
3. Driehoek & Sirkel – Episode 3 (iRoodt)

Hoe durf ek – 'n linkse, uitverkoopte snotkop – immers skryf dat daar nié 'n horde moordlustige barbare iewers sit en wag vir die regte oomblik om op die weerlose, kaal Afrikaner toe te slaan nie? Hoe durf ek insinueer dat daar geen plaasmoorde is nie? Hoe durf ek meen dat alles in die nuwe Suid-Afrika hunky dory is en ons almal saam met hondjies en katjies in die lang soetgras rondhuppel?

Lees die res hier.

Moontlik verwante inskrywings:

1. Dit gaan nie oor slag nie
2. Rotte in retrospek: die futiliteit van klaagliedere oor FIFA
3. Vegetarisme vs Rassisme

Bringen Sie mir meinen stiffies!

Op grond van die keuses en standpunte wat Naspers, sy direksie en kommentators reeds ingeneem het, kan 'n mens sê dat die maatskappy net so 'n hegte band met die huidige orde onderhou as wat IG Farben met die Nazisme gehad het.

Ek moeg bieg, dis nogal amusant hoe Roodt et al na Naspers verwys asof dit 'n outokratiese, enersdenkende maatskappy is wat sy rubriekskrywers beveel om Afrikanerbelange deurgaans in 'n negatiewe lig te skets. (Dis selfs snaakser hoe daar dikwels aangeneem word dat enigiemand wat nie met Roodt-hulle saamstem is nie, outomaties téén Afrikaners is, maar dis 'n storie vir 'n ander dag.)

Ek kan natuurlik nie namens enige van die ander rubriekskrywers praat nie, maar die realiteit in my geval is veel eenvoudiger: ek is verlede jaar deur Nuus24 gekontak en gevra of ek lus is om 'n rubriek op 'n weeklikse basis vir hulle neer te pen – oor enigiets onder die son. Tydens die afgelope paar maande wat ek weekliks 'n rubriek ingestuur het, was die enigste kommunikasie tussen my en Naspers die vriendelike bedankings van Nuus24 se nuusredakteur, Peet van Aardt. (Nice ou, terloops. Koop vir hom 'n bier as jy hom op straat raakloop.) Die mees opspraakwekkendste eienskap van hierdie bedankings was dat Peet dit soms van sy Blackberry gestuur het.

Nie een keer is ek die opdrag gegee om die Afrikaner te verguis, met opset “links” voor te kom of een of ander politiese polemiek te help skep nie. (Diegene wat gereeld hier lees, sal weet dat ek gewoonlik nie veel ooghare vir politiek het nie.)

Dit kan ook nie anders nie: enigiemand wat 'n “aanlynjoernalis” soos Peet ken, sal weet dat hulle nie tyd het vir enigiets meer as bedankings nie. Hulle is eenvoudig te besig met regte werk om die rol van 'n outokratiese “His Master’s Voice” te speel. Die tempo waarteen nuus op Nuus24 en News24 verskyn, behoort vir enigiemand met 'n halwe brein dit duidelik te maak dat hulle hard werk – om nie eers te praat van die pas waarteen hulle kommentaar moet modereer nie. (Gaan loer gerus 'n bietjie watter tyd van die aand of oggendure brekende nuus gepubliseer word.)

Boonop het Roodt en sy makkers 'n baie ideale beeld van die kommunikasie in 'n maatskappy so groot (en daarom so lomp) soos Naspers. Die blote feit dat die groot Afrikaanse koerante in drie verskillende stede vervaardig word (Die Burger in Kaapstad, Volksblad in Bloemfontein, Beeld en Rapport in Johannesburg) spreek van 'n logistieke en kommunikatiewe nagmerrie. Dat elkeen van hierdie koerante boonop behoort tot 'n aparte afdeling in 'n maatskappy met veel meer sakebelange as slegs die verkoop van koerante – wat soos enige maatskappye sy eie kantoorpolitiek en interdepartementele wedywering het – dra alles daarnatoe by dat Roodt se prentjie van 'n IG Farben nie juis strook met die werklikheid nie.

Wanneer Roodt dus skryf:

Terwyl die land verval het in iets tussen 'n Zimbabwe en 'n Rwanda, met daaglikse gruweldade – net eergister is 'n een jaar oue babadogtertjie in haar ouerhuis aangeval en vir dood agtergelaat – hou die slimjankommentators van Beeld, Die Burger, Volksblad en Rapport vol om Suid-Afrika as 'n demokratiese utopie te beskryf.

is hy besig om 'n strooipop op te stel wat nie met reg kan bestaan nie. Die “slimjankommentators” van Beeld, Die Burger, Volksblad en Rapport hou nie vol om Suid-Afrika “as 'n demokratiese utopie te beskryf” omdat hulle so beveel word nie. Daarvoor is Naspers se strukture (nes enige ander maatskappy met meer as 10 000 werknemers) waarskynlik heeltemal te lomp. Nee: hulle skryf waarskynlik wat hulle skryf bloot omdat hull dit wil skryf.

Dis wat ek doen, in elk geval. Ek het 'n vermoede die res maak ook so.

Miskien moet een van die ongelooflike filosofiese kuberkrakerkommandos van Praag by Naspers se e-posbedieners indring en al die kommunikasie in 'n knapsak (hopelik vol stiffies – stiffies is cool) aan Roodt oorhandig om te fynkam, sodat hy eiehandig kan ontdek hoe oningelig sy bespiegelinge werklik is.

Hersenskimme, Dan. Jou kop. Hy’s vol daarvan.

Moontlik verwante inskrywings:

1. Die hersenskimme in @DanRoodt se kop
2. Driehoek & Sirkel – Episode 3 (iRoodt)
3. Twee ruminasies oor Die Antwoord