Urgh…asseblief, nee…spel dit tog net met 'n “Ch”. “Sjina” klink tog so oud-modies. Spel dit tog net reg. Asseblief.

Sjina sjloei van sjeluksalisjheid.

Hallooo, bietsj – in Afrikaans skryf ons “sjoe”, en nie “choe” nie, “sjokolade” en nie “chokolade” nie, “sjimpansee” en nie “chimpansee” nie. Daai goed in die swembad is “chloor”, nie “sjloor” nie, daar bestaan nie 'n siekte soos “sjholera” nie en ons praat net van mense wat lief is vir Liewe Jesus as “Sjristene” wanneer ons dronk is. En wie op aarde gaan skrik as jy hulle waarsku teen giftige “sjemikalieë”?

Toegegee: ons skryf dikwels eerder “chirurg” as “sjirurg”, “chauvinis” as “sjauvinis” of “chiffon” as “sjiffon”. Dis egter nouliks rede om een helfte van 'n baie aanvaarbare (en fonologies sinvoller) wisselvorm oudmodies te noem.

Dis Sjina, bietsj. Bou 'n brug.

Hierdie laataand fonologiese gesanik met die komplimente van my Q9550 wat tans die finale onttrekkingswerk vir my tesis doen. Al daai HTML is gefilter tot 'n skamele 400 MB (omtrent 36 miljoen woorde).

Moontlik verwante inskrywings:

1. Waar kom al daai vlae vandaan?
2. Tesishoekie (my boude hoort daar)
3. Ramokgopa vs Bouncers

As ek enigiets post in die volgende tyd, sal dit grepe uit die teoretiseringsgedeelte van my tesis wees. Trek dit asseblief uitmekaar – enige kritiek sal opreg waardeer word. Tot dan, hier is 'n skermskoot van dit waarmee ek tans mee besig is. Dit lyk ingewikkelder as wat dit is:

(Ek hou nie regtig van seldery nie, ek wou net die woord skryf. Dis 'n cool woord.)

Moontlik verwante inskrywings:

1. Progressie #2
2. Oom Paul, en dan ons
3. Skraap.net en ‘n silwer ponie

Dis belangrik om te onthou dat baie van hierdie bladsye duplikaat-inligting bevat. WordPress blogs (tot al LitNet se data in is, by verre die meerderheid) se permalink-struktuur is byvoorbeeld daarvoor verantwoordelik dat hierdie bladsy vandag rofweg dieselfde inligting as my tuisblad bevat. Daar is dus nie 105,859 inskrywings nie, maar eerder bloot 105,859 bladsye HTML.

Terwyl ek met hierdie eksperiment besig is, kry ek ongelooflik baie respek vir die ouens van Afrigator. Die aantal data wat hulle moet rondskuif, moet ongelooflik baie wees. Ek sal nogal wat wil gee om hulle setup te sien. (Ek wil nie eers probeer dink wat Google doen nie.)

As jy nog nie jou blog se adres ingedien het nie, doen so vinnig moontlik so! As jy reeds het: baie dankie vir jou tyd en moeite

…en as jy Apple is, het ek eintlik minder data as wat ek regtig het. Riiiight…

Moontlik verwante inskrywings:

1. Skraap.net en ‘n silwer ponie
2. Sosiale media: data op, data af
3. Dankie dat jy jou blog se adres by Skraap.Net ingedien het, maar…

Eenvoudiger gestel: nadat mense 'n webblaaier gebruik het om HTML-inhoud deur middel van die HTTP-protokol na hul rekenaars te kopiëer, het hulle webblaaiers gebruik om nog HTML-inhoud via die HTTP-protokol na hul rekenaars te kopiëer.

Die sogenaamde sosiale media-revolusie is in wese maar 'n omgekeerde toevoeging tot hierdie proses. Binne die kader van Web 2.0 (self 'n taamlike vae konsep) spoor mense nie net inligting op om na te kyk nie, maar skep hulle self ook inhoud waarna ander mense kan kyk. Eenvoudiger gestel: hulle gebruik webblaaiers om inhoud wat via HTML besigtig moet word deur middel van die HTTP-protokol na ander rekenaars te kopiëer.

Dis dit. Data uploaded, data downloaded.

Met hierdie brokkie kennis tot 'n mens se beskikking, is dit ietwat amusant wanneer mense liries raak oor hoe Twitter “die toekoms is”, hoe Google Wave die wêreld “heeltemal gaan verander”, hoe Facebook ons “lewens gaan oorneem” en die sosiale media-revolusie sommer die hele wye wêreld vir goed beter gaan maak. Dit raak dan die onkundige gebabbel van ‘n legioen leke wat versiersuiker rondom rudimentêre tegnologie pleister.

Dis net uploads, n00bz. Srsly.

Moontlik verwante inskrywings:

1. SOSIALE MEDIA SUX0RZ! WTF?!?! #FAIL!
2. Sosiale media – the fifth estate?
3. Die waan van Benjou se sinkende skip

WordPress is bekend vir sy sogenaamde 5 minute install – die moeilikste deel van die installasie is trouens nie die WordPress-gedeelte nie! 'n Volledige tutoriaal is by die WordPress Codex beskikbaar; ek gaan 'n eenvoudiger weergawe hier dupliseer met toeligtende skermskote en ekstra inligting oor hoe om met 'n FTP-kliënt te werk. (As jy toegang tot 'n outomatiese installasiefunksie soos Fantastico het, slaan hierdie tutoriaal oor).

Maak seker jy het die volgende byderhand:

1. Die nuutste weergawe van WordPress
2. ‘n FTP-kliënt. Ek gebruik Filezilla vir hierdie tutoriaal.
3. Jou webserver se login details

Die eenvoudigste installasieproses moontlik behels die volgende:

1. Die skep van 'n MySQL-databasis
2. Die oplaai van WordPress na jou webspasie
3. Die WordPress setup-prosedure

1. Skep 'n MySQL-databasis

Teken in by jou webhost se control panel (vir die meeste webhosts behoort dit cPanel te wees, hoewel sommige maatskappye hul eie of ander sisteme gebruik) en soek vir 'n afdeling genaamd “Database”, “Databases” of iets in dier voege. Skep 'n nuwe databasis, gee dit 'n naam waaroor jy nie later spyt sal wees nie, voeg 'n gebruiker in en kies vir hom (of haar) 'n sterk wagwoord. Maak seker die gebruiker is opgestel om ALL PRIVILEGES vir die databasis te hê en maak 'n nota van die volgende besonderhede:

1. Die databasis se naam
2. Die gebruiker se naam
3. Die gebruiker se wagwoord

2. FTP dat die spoeg spat

FTP is 'n akroniem vir File Transfer Protocol, 'n protokol wat gebruik word om leggers mee uit te ruil of te manipuleer oor TCP/IP-netwerke. (Die internet is een so 'n netwerk.) Jy gaan dit gebruik om WordPress na jou bediener te kopiëer.

Installeer FileZilla en hardloop dit:

Voer die FTP-besonderhede (wat jou webhost waarskynlik via e-pos aangestuur het) by die teksvelde gemerk “host”, “username” en “password” in en klik op Quickconnect:

“Host” behoort jou domeinnaam (joudomein.co.za) of jou domein met 'n ftp-prefiks (ftp.joudomein.co.za) te wees. (As jy die regte besonderhede ingevoer het en dit steeds weier om te konnekteer, verander “port” na 21.) Unzip WordPress, navigeer in FileZilla na die unzipped leggers en drag die inhoud na jou webserver se publieke root folder, wat “public_html”, “www”, “root”, “httpdocs”, “wwwroot”, “htdocs” of iets dergeliks behoort te heet.

Wag vir FileZilla om die oordrag te doen.

3. Installeer

Maak 'n webblaaier oop en voer die volgende adres in:

joudomein.co.za/wp-admin/install.php

Omdat ons met opset nie vooraf 'n wp-config.php legger geskep het nie, sal jy die volgende skerm te sien:

Klik op “Create a Configuration File” om by hierdie skerm uit te kom:

Verander Database Name na die naam van die databasis wat jy in Stap 1 geskep het, Username na die user wat jy vir daardie databasis geskep het en Password na die wagwoord wat jy daarvoor gegenereer het. Indien nodig, vervang ‘localhost’ in die Database Host-veld met die korrekte adres wat aan jou verskaf is (raadpleeg jou webhost se dokumentasie hieroor as jy onseker is). Ignoreer Table Prefix, behalwe as jy beplan om meer as een installasies in dieselfde databasis te maak (in welke geval dit sal deug om 'n beskrywende agtervoegsel by die wp_ te voeg – verkieslik nie wp_t3h0wnager0x0rz nie).

As jy op “Submit” klik en die besonderhede korrek ingevul is, sal jy die volgende boodskap sien:

Klik op “Run the install”…

…Voer jou blog se titel en jou e-posadres in, klik op “Install WordPress” en siedaar – jy kan inteken in jou nuwe blog met die nuwe wagwoord wat aan jou verskaf is:

Klik op “Log In” of gaan na joudomein.co.za/wp-admin.

Geluk! Jy is die trotse eienaar van 'n WordPress installasie.

Ten slotte

Die bostaande proses is taamlik eenvoudig – al wat moontlik verwarring mag veroorsaak, is die verskillende gebruikersname en wagwoorde wat jy moet invoer. Onthou om te onderskei tussen jou FTP-besonderhede en dié van jou databasis.

In die volgende tutoriaal: Voorjaarskoonmaak.

Moontlik verwante inskrywings:

1. Blogtutoriaal #2 – Die aankoop van webspasie
2. Blogtutoriaal #1 – Deurgrond jouself, beplan soos ‘n dier
3. WordPress 2.7 se nuwe baadjie