Dit bly vir my verstommend hoe kerke (veral gereformeerde kerke) dink hulle moet meer lidmate trek om relevant in die Suid-Afrikaanse samelewing te bly. Loop die kerke leeg, is die eerste gevolgtrekking altyd: die kerk doen iets verkeerd. As ons dinge weer anders doen, sal die mense terugkom. Dit is tyd om te vernuwe!

Lees die res hier.

Moontlik verwante inskrywings:

1. Soek en jy sal jouself vind
2. Verbeel jou jy glo nie in God nie
3. “Dis goed dat Christene vir ‘n slag weer opstaan”

Hoewel jy welkom is om dit as sodanig te interpreteer, probeer hierdie episode nie die spot met godsdiens dryf nie.

Moontlik verwante inskrywings:

1. Driehoek & Sirkel – Episode Kersfees 2009 (Koop)
2. Driehoek & Sirkel – Episode 11 (Maandag)
3. Driehoek & Sirkel – Episode 9 (Dies Oehoeroe)

Indien ek dus verkies mag word, verwag dan nie van my dat ek my met kerklike sake moet bemoei nie, want my oortuiging is dat dit die staat nie toekom om hom met die inwendige aangeleenthede van kerkgenootskappe in te laat nie. Die politieke heerser wat ook in die Kerk van Christus wil gebied, is besiel met die gees van die antichris…

(Uit President Kruger aan die Woord, 1952: 24)

Dis ingekleur met die godsdienstaal van sy tyd, maar die basiese idee is daar: kerk en staat hoort nie in dieselfde bed nie. Die klem hier is op die staat wat nie by die kerk hoort nie; of hy ook gereken het die kerk mag homself nie met die staat se doen en late bemoei nie, weet ek nie. Kruger was vas oortuig dat sy verkiesing as president God se wil was; om te lei was vir hom om sy Godgegewe roeping uit te leef.

As ek egter 'n negentiende eeuse boer met 'n baard was, sou ek vir hom gestem het.

Moontlik verwante inskrywings:

1. Oom Paul, en dan ons
2. Die wysheid van Jan Smuts
3. Soek en jy sal jouself vind

Bands?

Soms wonder ek of bands hul eie instrumente kan stem.

Moontlik verwante inskrywings:

1. Ter verdediging van die base
2. Goeie môre, my man, daar is koffie in die kan
3. Van Coke se stem aan bande gelê

Kan iemand dalk 'n god bel
En vir hom se ons het hom nie meer
Nodig nie

Impliseer nie dat die antwoord op die kwessie van God se bestaan gelyk is aan: “daar is geen God nie”. Dit sê bloot: of daar so Iemand is of nie – ons het hom nie meer nodig nie. Dis 'n baie eiesoortige verwoording van die spreker(s) se eie spirituele ervaring(s).

Wat my fassineer is hoe die kerk daarmee op hol gegaan het.

“Hoe durf hulle?”

Dit was die verontwaardigde vraag wat die kerk en haar makkers meestal gestel het. Ironies, natuurlik, want spirituele belewenisse is iets intens persoonlik – iets wat nooit identies is van persoon tot persoon nie. Jou God is nie die siel langs jou se God nie en sal dit nooit wees nie – al sif julle hoe lank deur belydenisgeskrifte, al doen julle hoeveel rituele saam, al doop julle voor 'n doopfont of in die Ganges.

Dalk moes die kerk eerder jubel oor die woorde wat Francois van Coke gil.

Dalk is dit orraait as iemand nie 'n God soek nie, net soos wat dit orraait is as iemand wel 'n God soek.

Dalk pas 'n spirituele ervaring nie altyd in 'n formulier nie.

Moontlik verwante inskrywings:

1. Soek en jy sal vind
2. Soek die vrou en wen ‘n Datsun
3. Hoe om met jouself te speel (in Drop D)