Driehoek & Sirkel – Episode Kersfees 2009 (Koop)

Johan Swarts — Mon, 14 Dec 2009 07:00:44 +0000

‘n Spesiale Kersboodskap van Driehoek en Sirkel! Sirkel wou nogal altyd die Gees van Kersfees wees. Of die Gees van Korporasie. Hy is self nie meer seker nie. Hoe dit ookal sy, hy’t uiteindelik die geleentheid gekry:

Omdat Overstream se flash player probleme gegee het met die eerste episode, het ek die onderskrifte eerder aan YouTube toevertrou. Dit was die oorspronklike idee, maar YouTube se kwaliteit was heeltemal te power toe ek die eerste episode opgelaai het. Die oplossing was op die ou end om dit in 1080p op te laai, wat Overstream uiteindelik onnodig maak. Hierdie episode is dus volledige Hoë Definisie (die finale render was ‘n paar GB groot). Kyk dit gerus volskerm – klik op die HD knoppie regs onder in die player om dit te aktiveer.

Moontlik verwante inskrywings:

Jesus loves me yes I know…cause the market told me so?

Johan Swarts — Mon, 18 May 2009 13:42:58 +0000

Onthou jy die keer toe al wat ‘n Afrikaner was Crocs gedra het? Dit was in 2007. Niemand het regtig geweet waar dit vandaan gekom het of hoekom almal dit begin dra het nie – dit het net gebeur. Hoeveel mense het jy toe geken wat Crocs gedra het? Wat was die gemiddelde aantal sekondes wat jy in ‘n inkopiesentrum op ‘n bankie moes sit voor iemand met die onooglike broodmandjies om hul voete verbygewaggel het?

Wat is dit nou?

Onthou jy hoe jou kinders postal gegaan het oor Pokemon? Onthou jy vir Ash en Misty? Al die aksiefigure? Die aaklige speelgoed by MacDonalds? Die kaarte? Die temalied? (Die konserwatiewe Christene wat volgehou het dis demonies?) Onthou jy die Ninja Turtles? Die keer toe almal rollerblades gery het? Bart Simpson en die era van skaatsplanke? Die Tamagotchi? Die Macarena? Die Big Green Clean Machine? Daai potsierlike deksels vir koeldrankblikkies? Enige van die vorige Idols-finaliste? (Gaan jy vanjaar se wenners oor drie jaar op straat erken?)

Hoekom lyk modes van die 90′s vandag so absurd?

Wanneer gaan mense volkome besef dat hul doen en late hoofsaaklik deur korporasies beheer word? Dat ons van geboorte af geleer word om te val vir absurde klassifikasies soos blou klere en karretjies vir seuntjies, pienk klere en poppe vir dogtertjies en ‘n kolossale penis vir volledige menswees? Dat ons diepste strewes en emosies dikwels die navolg van korporatiewe propoganda is? Dat die boeke wat in Bybelwinkels verkoop word selde die moeite doen om Bybels te wees? Dat uitverkopings in kettingwinkels nooit daar is omdat die winkels vir jou omgee nie, maar omdat hulle jou geld soek? Dat ons vandag meer as ooit vantevore in hiperrealiteit rondswem?

Hoeveel advertensies het jy die afgelope uur gesien?

Hoekom hou jy so baie van die IPL-krieketliga of volgende Saterdag se rugbywedstryd?

Is die lewe die moeite werd as jy dit as ‘n slaaf spandeer?

Moontlik verwante inskrywings:

Johan Swarts se bl0g » korporasie

Driehoek & Sirkel – Episode Kersfees 2009 (Koop)

Jesus loves me yes I know…cause the market told me so?