God, die Dood, Liefde, Eensaamheid, Die Mens
is Belangrike Temas
menstruasie, geboorte, menopouse, puberteit
die huwelik–nie

Menstruasie en geboorte (trouens, amper alles in Krog se bostaande lys) is kwalik meme, maar die oorkoepelende sentiment is duidelik: wanneer die “groot” idees van die lewe ter sprake kom, wy ons maklik ure daaraan om mekaar te oortuig dat dat ons aan die regte kant van die metafisiese draad wei.

Godsdiens is een so 'n voorbeeld. Mense is daagliks op die oorlogspad oor godslastering op televisie, keasionisme in skole, die aantal Engelse lofliedere wat binne 60 minute gesing mag word en ander soortgelyke kardinale kwessies. Omdat hierdie onderskeie meme soms grens aan heilig vir die mense wat dit huldig, is hulle gewoonlik blitsig om dit teen enige kritiek te verdedig, want om die meem aan te val is heimlik ook om die mens wat die meem geïnternaliseer het aan te val. As bonus is jy gewoonlik ook 'n ketter (dit rym met knetter).

Dis menslik.

Soos Krog wonder ek egter of ons genoeg aandag aan die kleiner meme rondom ons skenk.

Neem die pannekoekmeem. Wanneer dit winter raak, is die kans groot dat 'n mens iemand sal hoor sê dat hy of sy “nou lus raak vir pannekoek”.

Waarop 'n mens wil vra: Hoekom?

“Ag, sommer. Dit laat my aan my kinderdae dink – dis warm en snoesig en gesellig. As dit so reën, dan is dit perfekte weer vir pannekoekbak.”

Maar wat van plaatkoekies? Of jaffels? Hoekom nie plaatkoekies of jaffels nie? Hulle is ook warm en snoesig en gesellig.

“Want dis pannekoekweer, knopkop!”

Tog vreemd, is dit nie? Winter op winter glo ons dat waterdruppels uit die hemele beteken dat ons deeg in 'n pan moet gaarmaak sodat ons kaneelsuiker daaroor kan strooi. Almal van ons. Ons glo dit sonder om 'n oog te knip.

Tog ag ons dit vreemd wanneer iets soos ander mense se geloofsoortuigings of kulturele gewoontes van ons s’n verskil.

Is daar werklik 'n verskil tussen die meem wat George Bush oortuig God moedig hom aan om Iraki’s uitmekaar te skiet en die pannekoekmeem? En wat is gevaarliker – die feit dat die groot meme van die lewe eintlik maar net so arbitrêr soos die kleintjies is, of die feit dat ons dalk meer waarheid aan die kleintjies toedig as wat ons aan onsself wil erken?

(Is jy ook nou honger?)

Moontlik verwante inskrywings:

1. Die latente onheil van pikkies met smartphones
2. Wafelpanne: die latente gevaar in jou kombuiskas (circa 2002)
3. Bloed

Vrae (en antwoorde):

1. Wat is jou naam? Johan
2. Wat is jou gunsteling kos? Pizza
3. Na watter skool het jy gegaan? Die Hoërskool Bellville
4. Wat is jou gunsteling kleur? Blou
5. Vir watter vermaaklikheidster sal jy jou stembande die ergste met nikotien en gille beskadig? Hunter Kennedy, Fokofpolisiekar
6. Wat drink jy graag? Hunters Dry
7. Waar gaan jy as jy nie hoef te werk nie? Iewers waar ek alleen is en dinge nie sin hoef te maak nie
8. Your favourite dessert (poeding, nagereg)? Koekstruif!
9. Wat wil jy wees wanneer jy eendag groot is? Lewendig
10. What do you value most in life? Musiek
11. Your blog name or nick? Die Pope hou van shotguns [vir Counterstrike, in elk geval – GormenDIzer lewer niks op Flickr op nie}
12. One word to describe you? Onseker

Ek tag vir Roer, Christoff en George. Die oorspronklike instruksies is by Dellie. Gaan bos.

Moontlik verwante inskrywings:

1. (3 / 3)
2. Die heiligskennis om jou pizza
3. Vaarwel, Bertus!