Johan Swarts » skraap.net

Skraap.Net vorderingsverslag(tm)

Johan Swarts — Tue, 08 Sep 2009 08:16:28 +0000

Die geskraap vorder goed. Tot dusver is 105,859 HTML-bladsye vanaf 226 blogs geskraap (die gemiddelde Afrikaanse blog het in teorie dus 468 bladsye) in 'n somtotaal van ongeveer 5.45 GB:

Dis belangrik om te onthou dat baie van hierdie bladsye duplikaat-inligting bevat. WordPress blogs (tot al LitNet se data in is, by verre die meerderheid) se permalink-struktuur is byvoorbeeld daarvoor verantwoordelik dat hierdie bladsy vandag rofweg dieselfde inligting as my tuisblad bevat. Daar is dus nie 105,859 inskrywings nie, maar eerder bloot 105,859 bladsye HTML.

Terwyl ek met hierdie eksperiment besig is, kry ek ongelooflik baie respek vir die ouens van Afrigator. Die aantal data wat hulle moet rondskuif, moet ongelooflik baie wees. Ek sal nogal wat wil gee om hulle setup te sien. (Ek wil nie eers probeer dink wat Google doen nie.)

As jy nog nie jou blog se adres ingedien het nie, doen so vinnig moontlik so! As jy reeds het: baie dankie vir jou tyd en moeite

…en as jy Apple is, het ek eintlik minder data as wat ek regtig het. Riiiight…

Moontlik verwante inskrywings:

Afrikaanse blogsensus: g0g0g0!

Johan Swarts — Tue, 01 Sep 2009 06:00:12 +0000

Blog jy? Jy het nou die kans om jouself vir ewig te verewig in 'n baie dik boek! Vir ewig!

Gaan asseblief na Skraap.net en neem deel aan die Afrikaanse blogsensus. (Dis ten bate van my tesis). Daar is vier velde om in te vul: jou blog se adres, 'n e-posadres vir validation en twee velde oor die Afrikaner. Slegs die eerste twee is “verpligtend”, hoewel ek dit nogal sal waardeer as jy die moeite aangaan om die ander twee ook te beantwoord. *edit* Ek het intussen die e-posveld eerder opsioneel gemaak. As jy dus huiwerig was om jou e-posadres te verskaf, kan jy nou sonder bekommernis deelneem *edit*

Ek sal dit ook vreeslik waardeer as jy iets daaroor op jou eie blog kan skryf en mense tag om dieselfde te doen. Om die bal aan die rol te kry, tag (wheeeee!) ek vir Flippiefanus, Demoerin, Emil Jung, Ding en Zee.

g0g0g0!

(Ek is bewus van die IE bug wat daar tans op Skraap.net is, so verskoon tog vir eers die onooglike gedrog wat jou in die gesig staar as jy Internet Explorer gebruik. Op daardie noot – hoekom gebruik jy nog Internet Explorer??)

Moontlik verwante inskrywings:

Skraap.net en ‘n silwer ponie

Johan Swarts — Wed, 18 Mar 2009 11:19:54 +0000

Right, die bal is aan die rol. Ek en 'n anonieme filantroop (‘n m33st3r k0d33rd3r) het Skraap.net geregistreer en is besig om 'n webtuiste te bou waarmee almal wat toestemming gee getel en geskraap en gemyn en allerhande oulike dingetjies gaan word ten einde data vir my tesis in te samel. Dis deesdae eenvoudig onmoontlik om alles van almal te lees en dan boonop nog die regte inskrywings wat die tesis se tematiek pas op te spoor, so hierdie projek gaan sake aansienlik vergemaklik. Intussen – tag alles mooi netjies, toe?

As jy wil, nomineer my asseblief vir die SA Blog Awards vir Die Silwer Ponie (daar is 'n skakel daar iewers vir Beste Podcast). Kommintaar gee die prysgeld aan politieke partye – ek sal dit vir Frank Botha gee sodat hy sy blog kan opkikker. Daar’s nou vir jou 'n insentief, as ek al ooit een gesien het.

Moontlik verwante inskrywings: