Daar pas ‘n maksimum van 160 karakters in een SMS, wat gelykstaande is aan ‘n totaal van 140-160 bytes. (Normaalweg is 1 karakter = 8 bits = 1 byte, maar in sommige SMS-sisteme is 1 karakter slegs 7 bits groot, aangesien dit ‘n beperkte aantal karakters bevat).

Een van die laer SMS tariewe in Suid-Afrika is Vodacom se 22.5 sent per SMS. Neem nou in gedagte dat 1 MB = 1024 KB = 1,048,576 bytes. Vir 1 MB van Vodacom SMS’e teen een van hul goedkoopste tariewe betaal jy dus ‘n somtotaal van (1,048,576 / 160) * 22.5 = 147456 sent = R1474.56.

R1474.56 per MB.

Dis om en by 21 065 keer duurder as 1 GB van Telkom se afgryslike data, wat ongeveer 7 sent per MB kos. Om dit selfs nog meer grafies te maak: dit beteken jy betaal R2123.36 per 1.44 MB.

R2123.36 vir ‘n frikkin stiffy.

WTFt3hAIDZ?!

Moontlik verwante inskrywings:

1. As jy ‘n week gehad het
2. Trippe trappe trone – die volk is deur die #@$%$
3. Ooit.

Die korporatiewe plastiekspiritualiteit het jou kop onwillekeurig agter jou voertuig se stuurwiel laat skud, né?

Ja?

Wel, wees nie bevrees nie! Want kyk: ek bring aan jou ‘n weeklikse sintaksisbrokkie! Jy kan daarmee klets! En morfeme uit gelede woorde in Bybelversies onttrek! En dis alles gratis! Wat ‘n wonderbaarlike Sintagmafees! Groepe met uitroeptekens!

Moontlik verwante inskrywings:

1. GormenDIzer goes Nguni
2. As jy ‘n week gehad het
3. So long, and thanks for all the syntax

Vergeet die sentiment van die SMS wat mense aangehits het. Vergeet die debatte, die gesprekke en die bitch fights. Vergeet Tim du Plessis, vergeet Satanisme, vergeet Rapport. Sommer die Afrikaner ook. Vergeet jouself.

Besef dan eerder hoe vinnig ‘n landswye protes georganiseer kon word met iets so eenvoudig soos ‘n SMS.

Wat kan ons nog met sulke gereedskap uitrig ?

Moontlik verwante inskrywings:

1. ‘n Vinnige gedagte oor Afrikaans
2. Blog vir geld: Afrigator se nuwe CPM-inisiatief
3. Die onvergeetlike inskrywing

Hy SMS nie terug nie! En dis nou al ure! Hoekom SMS hy nie terug nie?! WAT KAN DIT BETEKEN???

Verstommende woorde, né? Jong dame ontvang SMS. Jong dame stuur SMS. Jong dame ontvang niks nie. Jong dame en vriendin(ne) begin afwesige teksboodkap ontleed.

Hy wil nie terugstuur nie. Hy is skaam. Hy probeer sy gevoelens beskerm. Hy wil nie met my praat nie. Hy is kwaad vir my. Dis omdat ek nie gister vir hom teen twee komma drie grade geglimlag het by die inkopiesentrum nie.

Sal dit dalk oorweeg word dat hy lanklaas na sy selfoon gekyk het? Dat die battery pap is? Dat sy lugtyd op is? Of dat hy eenvoudig net nie lus is nie?

Nee. Dit sal die arme drel vryspreek van die verantwoordelikheid om poppie in die middel van die heelal te hou.

Kom daar skielik ‘n boodskap deur, word 160 karakters met noeste vlyt ontleed. Sonder enige paralinguistiese elemente om te help met die interpretasie – sonder gesigsuitdrukking, intonasie, lyftaal, of diksie – word die boodskap verklaar asof dit ‘n duidelike bedoeling het.

En dan raak neurose waarheid.

Moontlik verwante inskrywings:

1. Sosiale media – the fifth estate?
2. Vir wie sou jy stem?
3. Voor dit stof word

Staan saam en boikot Sterkinekor wat Golden Compass wys. Die eerste sin is ‘n oproep tot verset teen ‘n Suid-Afrikaanse filmteatermaatskappy (lang woord, eh?) wat ‘n fliek van New Line Cinema vertoon. Niks vreemd hier nie, behalwe dat wie ook al die SMS getik het moontlik sukkel met Engels. Let op die afwesigheid van die bepaalde lidwoord “The”.

‘n Fliek waarin 2 kinders God doodmaak sodat hul kan doen wat hul wil. Soos gewoonlik die geval is met kettingbriewe is hierdie sin uiters vaag, aangesien die name van die karakters nie verskaf word nie. Die enigste kinders in die film wat werklik optree as fokalisators is Lyra Belacqua (die protagonis), Billy Costa en Roger Parslow. Billy Costa pleeg nie ‘n moord nie – hy word eerder op ‘n unieke manier “vermoor”. Roger Parslow pleeg ook nie ‘n moord nie, maar word eerder ontvoer en gevange gehou by Bolvanger. En Lyra Belacqua pleeg self nie ‘n moord nie – tewens, aan die begin van die fliek verhoed sy dat Lord Asriel vergiftigde wyn drink en red sodoende sy lewe. Die res van die vele kinders in die film hardloop rond in velde en sit aan by wit-gedekte etenstafels. Geen godsmoord daar nie. En God? God kom nêrens in die film voor nie. Daar word nie eers indirek verwysings na Hom gemaak nie.

Dit terwyl ons Jesus se geboorte vier! Jesus se geboorte word tradisioneel op die 25ste Desember gevier. Terwyl ek hierdie inskrywing tik, is dit 14 Desember 2007. The Golden Compass is op 5 Desember 2007 vrygestel. Kersfees is 24 uur lank. Die dae voor Kersfees waarop The Golden Compass sal speel, is altesaam 600 ure lank; die dae daarna maak hierdie getal bloot groter. Die enigste manier waarop hierdie sin enigsins aanspraak kan maak op juistheid, is as Jesus se geboorte gevier word deur vroegtydige Kapitalisme en winkelliggies.

Rapport het geluister. As ons saamstaan sal Sterkinekor ook moet luister! Dit klink lekker, né? Ons het die mag. Maar dis ‘n leuen. Die SMS is in Afrikaans. Diegene wat opgeroep word tot kollektiewe verset is Afrikaans. Rapport is Afrikaans.

SterKinekor, The Golden Compass en duisende mense wat daarna gaan kyk…is nie.

Stuur asb aan soveel mense as moontlik. Hoekom? Sodat ‘n leuen versprei kan word onder die dekmantel van ‘n godsdiens wat leuens juis nie aanstaan nie?

As jy die SMS aangestuur het sonder om die film te gaan kyk, het die oningeligte massas vir jou gedink. As jy die SMS aangestuur het en wel die film gaan kyk het, het jy nie die vermoë om tussen feit en fiksie te onderskei nie. In beide gevalle is jy dus, in my boekies in elk geval, taamlik breindood en het jy God in die oë van nie-Christene pretty much self vermoor.

The irony is killing me.

Ek sluit graag af met die woorde van die filmresensent Kevin Carr:

Rather than saying, “I wonder if the Magisterium is supposed to represent the modern Catholic church?,” sit on the edge of your seat and say “Wow! Two polar bears beating the shale out of each other. Cool!” I guarantee you’ll come out of the film a happier person.

Moontlik verwante inskrywings:

1. Is jy onder ‘n berggans uitgebroei?
2. Onbelese engele om ons
3. Snip-snip