Nag van die supermiere
Oerouer van die supermiere slyp sy toekomstige gene in die oerwoud op my arm
Soms, as ‘n mier op my arm beland, is dit asof ‘n grootse verantwoordelikheid plotseling aan my toevertrou word.
Gaan ek die mier vermoor of nie?
Laat ek die mier lewe, is hy dalk deel van ‘n groep miere wat deur natuurlike seleksie oor ‘n paar miljoen jaar aan die bopunt van die voedselketting geplaas word – ‘n nuwe spesie supermiere. En as die supermiere boos is, verkneg hulle bes moontlik sommer die toekomstige mensdom en lewe my afstammelinge in slawerny vir die res van hul bestaan. En dan was dit my skuld.
Aan die ander kant, weer: sê nou ek druk die mier dood en daar ontstaan nie ‘n nuwe spesie supermiere nie en die supermiere sou die mensdom al die tyd goedgesind wees en ons word deur iets anders verkneg – dit sou ook my skuld wees.
(Boonop is daar die verwarrende feit dat werkersmiere steriel is, die mier op my arm nooit sal voortplant nie en my fantasma derhalwe nie sin maak nie. Maar feite was tog nooit belangrik nie en ek glo en vertrou tog dat daar eendag ‘n nuwe spesie supermiere sal kom. My geloof is tog genoeg.)
Soveel moontlikhede! Soveel dinkwerk! Sulke verantwoordelikheid!
Wee is ek op die vooraand van die toekomstige supermiere!
En ek tog my koppie raas partykeer – die laaste twee dae nogal erger ook met die nikotien-tekort saam hehehehe, elk geval ek sukkel om reguit te dink en al my geskryf oral lyk so bietjie of en aan't yl is…. op my laaste is.
Elk geval ja, oor die dinge wat ons nie van weet nie, en wat nie bewys is nie, of ons dink gaan gebeur… kan ons maar net hoop ja, so ek weet ek het eergister laas 'n sigaret gerook, en hoop dit gaan so bly vir die toekoms. Ek is net nie seker van die supermiere nie, en jou buurman mag dalk nie so ingenome met jou wees as die mier wat jy vandag red, more in sy ontbyt beland nie.
Reply
Die siel van die mier! Slaaaat hom!
Reply
Ek ken hierdie wroeging, en vele alternatiewe vorme daarvan.
Wie weet, dalk is die feit dat jy nou oor die mier se lewe kan beslis te danke aan die feit dat sy voorsate 'n beslissing oor die lewe van jou voorsate gemaak het.
Hygend, die lewe is wragties nie eenvoudig nie…
Reply
Laat ek raai – hy't gesneuwel?
Reply
Johan Swarts Reply:
November 20th, 2009 at 12:45 pm
nah, hy't gelewe.
Reply
Nee wat… laat hy dooi!
Reply