Oerouer van die supermiere slyp sy toekomstige gene in die oerwoud op my arm

Soms, as 'n mier op my arm beland, is dit asof 'n grootse verantwoordelikheid plotseling aan my toevertrou word.

Gaan ek die mier vermoor of nie?

Laat ek die mier lewe, is hy dalk deel van 'n groep miere wat deur natuurlike seleksie oor 'n paar miljoen jaar aan die bopunt van die voedselketting geplaas word – 'n nuwe spesie supermiere. En as die supermiere boos is, verkneg hulle bes moontlik sommer die toekomstige mensdom en lewe my afstammelinge in slawerny vir die res van hul bestaan. En dan was dit my skuld.

Aan die ander kant, weer: sê nou ek druk die mier dood en daar ontstaan nie 'n nuwe spesie supermiere nie en die supermiere sou die mensdom al die tyd goedgesind wees en ons word deur iets anders verkneg – dit sou ook my skuld wees.

(Boonop is daar die verwarrende feit dat werkersmiere steriel is, die mier op my arm nooit sal voortplant nie en my fantasma derhalwe nie sin maak nie. Maar feite was tog nooit belangrik nie en ek glo en vertrou tog dat daar eendag 'n nuwe spesie supermiere sal kom. My geloof is tog genoeg.)

Soveel moontlikhede! Soveel dinkwerk! Sulke verantwoordelikheid!

Wee is ek op die vooraand van die toekomstige supermiere!

Moontlik verwante inskrywings:

1. Van miere en kallers wat blink
2. iPhone 4G dalk besonder oorskat
3. Op die paal – op 80!

Dis 'n sielkundige feit dat die waarheid geweet word, en 'n leuen geglo word. Die waarheid word nooit geglo nie. Dit kan nie. As daar iets geglo word, moet dit noodwendig vals wees.

[...]

Elke feit, elke stelling wat gewis is, word altyd geweet en nooit geglo nie. Sodra iets twyfelagtig is, word dit nodig om te glo; as dit definitief vals is, dan móét dit geglo word. As 'n onwaarheid nie geglo word nie, word dit verwerp en vergeet. Geloof is dus die teelaarde van onwaarheid.

Bogenoemde woorde laat die briewe wat so dikwels in Afrikaanse dagblaaie woed kostelik lyk, want dis 'n bakleiery wat 50 jaar te laat is. Nou, 'n halfeeu later, het die “verligtes” van die volkie vir hulself besluit wat om oor die lewe te dink, op tafels geklim en begin skreeu asof die armageddon aangebreek het – soos Dawkins wat afgewaterde Russel bulder.

Alberts beat you to it, n00bz. Have a cookie.

Moontlik verwante inskrywings:

1. Só maak Regte Afrikaners
2. Ons almal rol maar in die geld
3. 500 se dae getel