Is ons almal nie maar soms soos tjokkertjies in stampkarretjies nie? Kindertjies wat dit geniet om ander triomfantelik te stamp, solank hulle net nie teruggestamp word nie. Ons wil krag hê, maar hou stilletjies al ons toerusting aan tydens piektye. Ons wil graag in tjailatyd by 'n obskure indraai op die hoofpad inkom, maar wil nie ander mense plek gee nie. Hel, ons soek fout met die land op elke denkbare terrein, maar wil niks doen om dit self beter te maak nie. En soms stamp ons sommer net omdat ons kan.

Wanneer laas het jy iemand gestamp?

Moontlik verwante inskrywings:

1. KKNK – Oordenking #3
2. KKNK – oordenking #1
3. Vingeroefening #6

Die ding is, ek het baie koedoeburgers geëet. En toe sommer eergisteraand by die skatlam gebraai. Die metroman wat ek is (raaaait…), het ek aangebied om die vuilwerk te doen – hout met 'n byl te breek, koerantpapier soos derms te knoop, vuurhoutjies in die wind aan te por. Terwyl ek daar gestaan en die rook verwens het, het 'n skoot bloed lewendig uit 'n stuk vleis geskiet. Dit het gesis soos slange in 'n smeltkroes en vir 'n oomblik het ek nie net besef nie, maar beleef, dat ek besig is om iets wat eens op 'n tyd gerespireer het se vlees te verhit.

Tog vreemd.

Ek weet nie of dit die soort ervaring is wat mense in vegetariërs verander nie. Wat ek wel weet, is dat dit tot 'n mate 'n weersprekende belewenis is, behalwe as jy 'n Christen (of 'n Moslem of 'n Jood) is. Behalwe as die heelal geskape is met mense as die kroon daarvan, kan ek nie sien hoekom enigiemand enigsins moreel verplig hoef te voel om nie 'n dier te eet nie.

Reklame en propoganda vir vegetarisme maak gewoonlik gebruik van 'n skoktaktiek – dit van wys hondjies en katjies (en koeitjies en hoendertjies en skapies) wat bloeiend aan hakke hang en brutaal rondgegooi word in slaghuise. Toegegee, dis nie 'n aangename ding om na te kyk nie, maar dit bly vir my vreemd dat daar nie soortgelyke beeldmateriaal van roofdiere gewys word wat herbivore verskeur nie. Was daar al vegetariërs met plakkate na die Kruger Wildtuin om te betoog teen die onmenslike behandeling van Springbokke? (Was Mike Stofile daar?)

Dis daai een woordjie wat pla. “Onmenslik”. Hoe, behalwe as 'n kreasionistiese standpunt ingeneem word, kan mense werklik aanspraak maak op die humanitêre behandeling van diere sonder om in 'n integriteitskrisis te verval? As mense diere is, is vegetarisme eintlik die dierlike behandeling van diere deur diere? Wat is menslike behandeling?

Ons het braaibroodjies ook gemaak.

Moontlik verwante inskrywings:

1. KKNK – Oordenking #3
2. KKNK – Oordenking #2
3. Vegetarisme vs Rassisme

Moontlik verwante inskrywings:

1. Tjirs (vir eers)
2. Tjirs, 24
3. Tjirs, filters. Hallo, brassery

As arme Maryna Bester dit maar net geweet het…

Moontlik verwante inskrywings:

1. Baarmoeders dans ernstige kringe deur die bos
2. StemToon
3. Vernuftig oor die klippertjies

Nadat ek en drie koshuisbuddies vanmiddag láát petrolgeld buite Stellenbosch gaan bedel het in snaakse klere, is ons oppad KKNK toe. Ons het net onder R400 in 'n halfuur gemaak (mense gee graag geld as jy met 'n kitaar in die middel van die pad staan en nonsens sing) en vertrek môre skuins na middagete in die algemene rigting van Oudtshoorn. I’ll keep you posted.

Terwyl ek weg is, staan almal natuurlik weer die kans om die magiese R50 te wen. Click HIER vir besonderhede.

Moontlik verwante inskrywings:

1. Daniël François Malan vs Fokofpolisiekar
2. Koester jou niere
3. Vier? Sy soen ‘n kind…