Johan Swarts » osx

Treintegnologie (8 jaar te laat)

Johan Swarts — Thu, 24 Sep 2009 16:40:08 +0000

Ek verstom my soms aan bemarkers se pogings om die waarde van iets uit proporsie te blaas. Wie ookal Apple se produkte bemark, is 'n wonderlike voorbeeld hiervan. Snow Leopard se feature list bevat byvoorbeeld hierdie brokkie teks:

Waarop 'n mens se eerste reaksie is om te mompel: “whoop dee farkin doo” en 'n screenshot van Windows XP se processor affinity te neem:

Kan dit wees? Support vir 32 cores? Agt jaar voor Apple se aankondiging dat Snow Leopard multiple cores ten volle benut “by making all of Mac OS X multicore aware and optimizing it for allocating tasks across multiple cores and processors”? (Toe Puma op vistenke gehardloop het?)

Bummer.

Moontlik verwante inskrywings:

Al die arty ouens verkies mos maar Macs.

Johan Swarts — Thu, 27 Aug 2009 06:00:44 +0000

Ek is nie 'n bedryfstelsel-snob nie, maar daar is een spesifieke meem oor OSX wat my nogal amuseer en by tye selfs irriteer. Wanneer ek met mense oor Macs praat, verloop die gesprek dikwels so:

Ja…Macs is beter vir content creation, jy weet? Foto’s en videos en liedjies en daai klas van dinge. PC’s kan nie lekker die mas daarmee opkom nie. En al die arty ouens verkies mos maar Macs.

Snaakser nog is gesprekke met sommige van die einste “arty ouens”:

PC’s is net nie cool nie, jy weet? Ek meen, ek werk baie beter op 'n Mac. Die hele experience is net beter. En MY Mac het die HELE Adobe suite op – ek kan soos Photoshooooop en After Effeeeeects en Garagebaaaaaand en al sulke cool goeters doen. Windows is net goed vir Word en Excel.

Die teendeel is natuurlik waar. Dis nie OSX of die glinsterende ontwerp van die stylvolle Macbook op jou skoot wat content creation vergemaklik nie, dis goeie 3rd party apps. Photoshop, Vegas, After Effects, Cubase, Audition, Maya: almal werk op Windows (Apple se enigste troefkaart in hierdie kader – Final Cut Pro – moet in ieder geval apart gekoop word en kan nie naastenby in die breë verskeidenheid codecs as sy Windows eweknieë render nie).

Die skep van goeie, kreatiewe inhoud het weinig met 'n bedryfstelsel uit te waai. Dis eerder vindingrykheid en die vermoë om betrokke programme (wat dikwels platformagnosties is) op die punte van jou vingers te ken en so ekonomies moontlik te gebruik wat die swaarste gewig dra. Daar is goeie programmatuur beskikbaar vir Windows sowel as OSX (in sommige gevalle selfs vir Linux) om media van 'n hoë gehalte te vervaardig. Om die een in hierdie opsig beter as die ander te noem, is om appels met pere te vergelyk.

Dit bly maar snaaks om te sien hoe mense dink hulle is meerwaardig omdat 'n bemarker dit vir hulle voorgesê het.

Moontlik verwante inskrywings:

Het Microsoft die nuwe taskbar gesteel?

Johan Swarts — Sun, 17 May 2009 19:10:16 +0000

Dis taamlik amuserend om Mac-aanhangers op die internet raak te lees terwyl hulle teem oor hoe Windows 7 se taskbar 'n ripoff van die OSX dock is. Die rede wat hiervoor aangevoer word, is dat die funksionaliteit van beide ooreenstem. Programme kan op altwee gepin word, slegs ikone word vertoon, daar is 'n animasie wat speel wanneer 'n mens op 'n ikoon klik. En, redeneer die Mac-aanhangers, OSX het die dock lank voor enige weergawe van Windows gehad – so die nuwe taskbar moet duidelik 'n ripoff wees.

Hier is die twee ondermekaar (klik vir 'n duideliker beeld):

Derhalwe het Microsoft duidelik gesteel, of hoe?

Toe nie.

Hier is 'n screenshot van Windows 1.01 wat uit 1985 dateer. Lyk iets bekend?

Meh.

(Lees gerus ook hierdie artikel.)

Moontlik verwante inskrywings:

‘n Swak argument teen Windows 7

Johan Swarts — Wed, 29 Apr 2009 06:00:54 +0000

‘n Irriterende “argument” wat mense teen die opkomende Windows 7 maak, is dat dit eintlik maar net Windows Vista is – net beter. Inderdaad:

Windows 7 is Windows Vista, net beter.
OSX 10.5 is OSX10.4, net beter.
Linux 2.6.29 is Linux 2.6.0, net beter.
OS/2 WARP 4.0 is OS/2 WARP 3.0, net beter.
MS-DOS 6.22 is MS-DOS 6.0, net beter.

Dis hoe dit frikkin werk.

Moontlik verwante inskrywings: