Wie gaan ons volgende groot Afrikaanse digters en musici raak oor die volgende paar dekades? Wie gaan ons leiers wees? Ons helde? Oor wie se patriotisme gaan ons eendag stories vir ons kinders vertel? Op wie gaan ons trots wees?

Lees die res hier.

Moontlik verwante inskrywings:

1. Die wysheid van Paul Kruger
2. Laat ons boosheid haat, nie mekaar
3. ‘n Oomblik van stilte

Moontlik verwante inskrywings:

1. As hierdie skoen kon praat…
2. Ruminasies oor Die Antwoord: Voorwoord
3. Braai, brandewyn, bietse en boeremusiek

Maar daar is geen verband tussen Die Antwoord, Steve Hofmeyr en NP Van Wyk Louw nie. Daar is niks wat hulle aanmekaarbind behalwe vir die feit dat hulle aanmekaargebind is nie. Hulle is nie deel van Afrikanerkultuur omdat hulle dieselfde is nie. Inteendeel. Hulle is deel daarvan bloot omdat hulle is. Afrikaners het algaande besluit om hulle te assimileer, al het hulle nie veel met mekaar uit te waai nie. Dit kon netsowel nie die geval wees nie.

Hoekom kan dieselfde dan nie met Tshwane gedoen word nie?

Lees die res hier.

Moontlik verwante inskrywings:

1. Die woordeboek sê so
2. Wanneer mooi lelik is
3. Laat ons boosheid haat, nie mekaar

Jurie Petrus Du Bois Els?

Die Jurie Els vs Robbie Klay saak is uiteindelik aan die vervolgingsgesag in Pretoria oorhandig. Die oponthoud is veroorsaak deur 'n regstegniese fout. Meen Beeld:

Dit gaan daaroor dat die naam Robbie Klay nie in die nasionale bevolkingsregister bestaan nie.

Hy is Robert Patrick Klaasen gedoop.

Ietwat fassinerend, né? Klay se oorspronklike naam was natuurlik nie bemarkbaar genoeg nie, toe verander moederlief dit na Robert Patrick Robbie Klaasen-Klay.

Dit laat 'n mens nogal wonder oor ander Afrikaanse musici. Dis maklik om in te sien dat Dozi, Bobby van Jaarsveld of Ryno Velvet hul regte name vir die publiek verbloem, maar 'n mens kan nie help om te wonder oor van die ander nie. Is Theuns Jordaan regtig Theuns Jordaan? Is Kurt Darren regtig Kurt Darren?

Hoe generies kan 'n verhoognaam raak?

Moontlik verwante inskrywings:

1. Chimeries generies (My kingdom for a voorlaaier)
2. Seks, die sokkiemanier
3. As Christene tog net meer wil kwaad raak

Ek was besig om 'n toebroodjie te smeer.

Dit was verstommend hoe laag hierdie beller my intelligensie geskat het (nie dat dit altoos vreeslik hoog is nie): klaarblyklik sou die noem van al hierdie “brandende” kwessies my so aangegryp het, dat ek dadelik die fooitjie sou betaal om aan te sluit by Solidariteit. (Wat my gebel het terwyl ek 'n toebroodjie gesmeer het.) Want ek is mos 'n wit, jong man, pas gegradueer (ek reken hulle het my naam op 'n alumnilys gekry) wat 'n blink toekoms vir homself soek. In Afrikaans. Trots, sonder die kniehaltering van mense wat nie soos ek lyk nie wat ook geleenthede gegun word.

Ek is wit, ja. En jonk is ek ook – en gegradueer. En ek gaan lieg as ek sê ek soek nie 'n blink toekoms nie.

Maar gee ek regtig om of die administratiewe hoofstad van Suid-Afrika se naam na Tswhane kan verander? Dink ek integrasie in koshuise moet op 'n vrywillige basis geskied? Meen ek regstellende aksie is absurd? Wil ek die Vaandel dra en die Fakkel laat brand en die koeksister kou?

Wel, nee.

So toe vra ek maar:

“Sal julle…um…asseblief vir my meer besonderheid via e-pos stuur?”

“Reg so, meneer. Wat is u adres?”

“GormenDIzer AT gmail DOT com”

“…Ekskuus?”

“G…O…R…M…E…N…D…I…Z…E…R”

“Dankie, meneer. Ons stuur dit so gou moontlik.”

Ek het nou nog nie 'n e-pos ontvang nie. Ek wag in alle erns – ek het selfs my toebroodjie verslind. En terwyl ek wag, kan ek nie begryp hoe 'n volk wat hulleself daarop roem dat hul God hul hierwees aan die gatkant van Afrika noukeurig bestem het, nie maar die minste wil raak, terugstaan, vier sillabes uitruil vir twee nuwes en saam met mense wat nie soos hulle lyk en klink in koshuiskamers wil intrek nie. Hul naastes sou dit tog waardeer het?

Daar is tog meer aan die Afrikaner as net 'n naam. As jou identiteit eers opgesluit lê in 'n plofklank, gevolg deur 'n trilklank, gevolg deur 'n neutrale vokaal, 'n sluitklank, nog 'n vokaal, nog 'n trilklank en 'n ongehinderde klinkstroom wat volgens die fonetiese alfabet  heet, sou ek reken jy is dalk in die sop.

Daar gaan nie minder plaasmoorde wees as die uniegebou in Tshwane eerder as Pretoria sit nie.

Moontlik verwante inskrywings:

1. inKemba yami (Want ‘n noot maak alles beter)
2. Só maak Regte Afrikaners
3. Om vir die polisie toebroodjies te maak